Праваабарончы цэнтр «ВЯСНА»

Навіны за Чэрвень 2010

18.06.2010 "Новы час" атрымаў папярэджаньне Міністэрства гандлю

Газэта "Новы час" атрымала чарговае папярэджаньне — гэтым разам ад Міністэрства гандлю. "Новы час" зьмясьціў інфармацыю пра перадачы спадарожнікавага каналу Белсат.

18.06.2010 Канада пацьвердзіла эканамічныя санкцыі супраць Беларусі

Беларусь застаецца ў ліку дзяржаў, у дачыненьні да якіх ўрад Канады ўжывае эканамічныя санкцыі. Пра гэта паведамляе партал TUT.BY са спасылкай на канадзкае агенцтва пагранічных службаў.

18.06.2010 Вымушаны гуманізм

Савет Рэспублікі Нацыянальнага сходу ўхваліў законапраект «Аб амністыі ў сувязі з 65-годдзем Перамогі ў Вялікай Айчыннай вайне 1941–1945 гадоў».

18.06.2010 Камітэт ААН зарэгістраваў чарговае паведамленьне пра парушэньне правоў ў Беларусі

Пад № 1952/2010 зарэгістравана скарга актывіста Руху "За Свабоду" Віталя Сымоніка.

18.06.2010 Аўтуховіч абвясьціў галадоўку

Мікалай Аўтуховіч абвясьціў у менскім сьледчым ізалятары галадоўку. Пра гэта Свабодзе паведаміў яго адвакат Павал Сапелка.

18.06.2010 Спыненая справа супраць Івана Крука

У Астраўцы 17 чэрвеня рашэньнем суду спыненая адміністрацыйная справа ў дачыненьні да актывіста Івана Крука. Івана Крука абвінавацілі ў распаўсюдзе бюлетэня "Прававая дапамога насельніцтву" без выходных дадзеных. Нібыта ён раскідваў бюлетэнь у паштовыя скрыні і раздаваў людзям.

17.06.2010 У Драгічынскім раёне па-ранейшаму забіваюць пенсіянераў

13 лістапада 2009 года ў Драгічынскім раёне было знойдзенае цела 85-гадовай жыхаркі вёскі Гутава. Паводле эксьпертызы, жанчына была задушаная. Па падазрэньні ў забойстве затрыманыя дзьве 24-гадовыя жанчыны, адна з якіх зьяўляецца грамадзянкай Расіі.

17.06.2010 Страйк токараў у Барані

13 рабочых такарнага ўчастку № 3 Бараньскага завода "Лёс" спынілі працу з-за таго, што адміністрацыя прадпрыемства не выконвае абяцаньня падвысіць заробкі.

17.06.2010 Скарга Рамашкевіча не задаволеная

17 чэрвеня Гарадзенскі абласны суд разглядаў скаргу былога кандыдата ў дэпутаты Алега Рамашкевіча на адміністратыўны прысуд у выглядзе штрафу. Яго вінавацілі ў наклейваньні агітацыйных перадвыбарчых улётак нібыта ў недазволеным месцы.

17.06.2010 Затрыманьні на Дзень салідарнасьці

Пад час акцый, прысьвечаных Дню салідарнасьці 16 чэрвеня ў Менску былі затрыманыя актывісты “Еўрапейскай Беларусі” Андрэй Ільюшын і Максім Вінярскі. Праз гадзіну пасьля затрыманьня яны былі адпушчаныя без складаньня пратаколу.

16.06.2010 Аляксандр Рамановіч пакараны штрафам

Сябра партыі БНФ і актывіст руху “За свабоду” Аляксандр Рамановіч пакараны Пінскім гарадскім судом штрафам у 30 базавых велічынь, што складае 1 мільён 50 тысяч рублёў за выгатаўленне і распаўсюд прадукцыі сродкаў масавай інфармацыі.

16.06.2010 „Экадом” падаў у суд на дырэкцыю будучай АЭС

У судзе Астраўца прайшло пасяджэнне па зыску да дырэкцыі будучай беларускай атамнай электрастанцыі.

16.06.2010 Астравец: зноў судзяць Івана Крука

Актывіста АГП Івана Крука вінавацяць у распаўсюдзе бюлетэня «Прававая дапамога насельніцтву» без выходных дадзеных. Нібыта ён раскідваў бюлетэнь у паштовыя скрыні і наўпрост раздаваў людзям.

16.06.2010 Шукалі браканьера - абшукалі апазіцыянера

У мястэчку Парычы Светлагорскага раёна, што на Гомельшчыне, увечары 15 чэрвеня супрацоўнікі міліцыі затрымалі аўтамабіль Алега Шабетніка, актывіста кампаніі “Гавары Праўду!” з Рэчыцы. Прычына, названая праваахоўнікамі, банальная - паступіў ананімны званок, нібыта ў аўтамабілі актывіста могуць знаходзіцца браканьеры.