Праваабарончы цэнтр «ВЯСНА»

Навіны за Люты 2010

23.02.2010 Салігорск: улады спрабуюць узяць пад кантроль незалежнага прэтэндэнта

Назіральнікі паведамляюць пра “апрацоўку” незалежнага прэтэндэнта ў кандыдаты Валера Шчэрбіча. Мясцовыя ўлады спрабуюць альбо пераканаць яго не прымаць удзелу ў кампаніі альбо атрымаць магчымасць кантраляваць яго. Салігорскія праваабаронцы звязваюць такія захады ў дачыненні да Шчэрбіна з тым, што ён упершыню бярэ ўдзел у выбарах і не з’яўляецца сябрам палітычных партый.

23.02.2010 Гомельскія сябры АГП будуць удзельнічаць у мясцовых выбарах толькі пры ўмове ўключэння партыйцаў ва ўчастковыя камісіі

Старшыня Гомельскай абласной арганізацыі АГП Васіль Палякоў паведаміў, што рашэнне пра ўдзел у кампаніі па мясцовых выбарах будзе прымацца пасля ўтварэння ўчастковых камісій і ў залежнасці ад таго, ці ўключаць у іх склад сябраў партыі.

23.02.2010 Барысаў: спрэчкі наконт падыходаў да назірання ў выбаркамах

22 лютага Барысаўская раённая тэрытарыяльная выбарчая камісія зарэгістравала праваабаронцу Алега Мацкевіча ў якасці назіральніка ад групы грамадзянаў. Па словах праваабаронцы, яго запрасілі наведваць паседжанні камісіі. Розначытанні ў падыходах да ажыццяўлення місіі назірання паўсталі пасля таго, як Алег Мацкевіч заявіў пра свой намер назіраць за працай камісіі ў зручны для яго час, а не ў прызначаны, а таксама наконт таго, якая інфармацыі пра выбары прадастаўляецца камісіяй.

23.02.2010 Чым бліжэй да мясцовых выбараў, тым болей адміністрацыйнага спрыяння "Белай Русі"

У той час калі для апазіцыйных палітычных партый і багата якіх іншых грамадскіх арганізацый знайсці памяшканне для сваіх мерапрыемстваў - вялікая праблема, аб'яднанню "Белая Русь" даецца зялёнае святло ў лепшыя будынкі краіны.

23.02.2010 У Віцебску пікетаваць можна паўсюль?

Абласны цэнтр на фоне правінцыі выглядае астраўком дэмакратыі і лібералізму, адзначаюць назіральнікі Віцебскага рэгіёну. Гарадскія ўлады не прынялі рашэнне, якое забараняе месцы для пікетавання па зборы подпісаў, а, такім чынам, у горадзе Віцебску пікетаваць можна паўсюль. Ці так гэта - час пакажа.

23.02.2010 Сябра БХД прымусілі адмовіцца ад кандыдацтва

Сябра Беларускай Хрысціянскай Дэмакратыі з Вілейскага раёну Меншчыны, акушэр фельдшэрска-акушэрскага пункта вёсцы Бубны Аляксандр Анкуда быў вымушаны адазваць заяву аб рэгістрацыі ініцыятыўнай групы дзеля вылучэння яго кандыдатам у дэпутаты.

23.02.2010 Затрымалі за "Хрысьціянскую Абарону"

22 лютага ўвечары ў Гародні супрацоўнікі праваахоўных органаў затрымалі намесьніка старшыні МФ Алеся Кіркевіча й маладафронтаўку Вераніку Велігор за распаўсюд незалежнай прэсы. Іх даставілі ў пастарунак, канфіскавалі дваццаць тры асобнікі газэтаў (для дасьледаваньня), склалі пратакол і прыблізна праз гадзіну адпусьцілі.

23.02.2010 Журналіста Алеся Дзянісава абвінавацілі ў самаўпраўстве

Супрацоўнікі гродненскай міліцыі склалі пратакол аб адміністрацыйным правапарушэнні у дачыненні да незалежнага журналіста Алеся Дзянісава, якога абвінавачваюць у здзяйсненні самаўпраўства.

22.02.2010 Iзноў допыты па справе Сяргея Каваленкі

Ва ўправу папярэдняга расьсьледаваньня УУС Віцебскага аблвыканкаму сёньня выклікалі журналіста, рэдактара сайту «Народныя навіны Віцебску» Сяргея Серабро.

22.02.2010 Орша: Выпадкаў адмовы ў рэгістрацыі ініцыятыўных групаў не зафіксавана

У ліку тых, чые ініцыятыўныя групы зарэгістраваныя, па адным прадстаўніку ад Партыі БНФ, аргкамітэта БСДП (Народная Грамада) і Руху "За Свабоду", тры - аргкамітэта БХД, чатыры - БСДП (Грамада). Зарэгістравана таксама ініцыятыўная група лідара мясцовага аддзялення РГА "Беларускі Хельсінкскі камітэт" Васіля Бераснева.

22.02.2010 Гародня: назіральніка ад БХК Рамана Юргеля не пусцілі на паседжанне акруговай камісіі

Праваабаронцу сёння не пусцілі на паседжанне, нягледзячы на тое, што ў пятніцу гэтая ж камісія зарэгістравала яго ў якасці назіральніка.

22.02.2010 Віцебск: Дэмакраты будуць канкураваць, па меньшай меры, у 11 акругах

Большасць ініцыятыўных групаў па вылучэнні кандыдатаў у дэпутаты гарадскога Савета маюць партыйную аснову. А менавіта: 14 ініцыятыўных групаў - БХД, 9 - Партыя свабоды і прагрэсу, 5 - БСДП (Народная Грамада), 6 - Партыя БНФ, 3 - Рух "За Свабоду", 2 - АГП і 1 - Партыя зялёных.

22.02.2010 Аршанскі гарвыканкам улічыў крытыку недзяржаўных СМІ

Інфармацыя пра пастанову Аршанскага гарвыканкама, што вызначае месцы, у якіх забаронена пікетаванне па зборы подпісаў, атрымала шырокі распаўсюд у шэрагу недзяржаўных СМІ. І нечакана для шматлікіх назіральнікаў - гарвыканкам улічыў крытыку ў прэсе. 19 лютага рашэнне чыноўнікаў было зменена і нараканняў у палітычных актывістаў больш не выклікае.

22.02.2010 Яшчэ адно недзяржаўнае выданне не змагло зарэгістравацца

Заснавальнік недзяржаўнай газеты «Наш дом» — прыватнае ўнітарнае гандлёвае прадпрыемства «Витебский корунд» — 20 лютага паскардзілася ў Вышэйшы Гаспадарчы Суд на Міністэрства інфармацыі, якое пакінула без разгляду дакументы аб рэгістрацыі згаданага выдання.

22.02.2010 Барысаўскія ідэолагі сталі дзейнічаць "мудрэй, танчэй і хітрэй"

Мабыць, мясцовыя ідэолагі, улічыўшы рэкамендацыі Пяткевіч, сталі дзейнічаць "мудрэй, танчэй і хітрэй". У гэтай выбарчай кампаніі ў сябра Партыі БНФ Зміцера Бабіцкага, дыпламаванага эканаміста, эксперта CASE-Belarus, які вылучаецца ў кандыдаты ў дэпутаты шляхам збору подпісаў у акрузе №15, будзе новы канкурэнт - дырэктар Барысаўскага політэхнічнага каледжа Уладзімір Шмакаў - персона зусім не адыёзная.