Праваабарончы цэнтр «ВЯСНА»

Навіны за Студзень 2010

12.01.2010 Адменены круглы стол «Беларускі Інтэрнет, дзяржаўныя абмежаванні і рэгуляванні»

Таварыства Беларускай Мовы імя Францыска Скарыны — адзін з суарганізатараў мерапрыемства — атрымала папярэджанне ад Міністэрства юстыцыі пра тое, што абмеркаванне праектаў прэзідэнцкіх указаў не адпавядае статуту арганізацыі.

11.01.2010 Дзевяць мільёнаў штрафу наваградскаму антыкамуністу

11 студзеня суддзя Наваградскага раённага суду Валеры Цынкевіч вынес вырак па крымінальнай справе актывіста Беларускай хрысціянскай дэмакратыі Юрася Казака, які абліў фарбай бюст Леніна. Суд пакараў хлопца 250 базавымі велічынямі штрафу (8 750 000 рублёў), паведаміў «НН» сустаршыня БХД Аляксей Шэін.

11.01.2010 Міліцыя адмаўляе факт выкраданьня Зьмітра Дашкевіча

Міліцыя й пракуратура пакінулі без рэакцыі скаргі старшыні "Маладога Фронту" Зьмітра Дашкевіча аб выкраданьні й вывазе ў лес 5 сьнежня.

11.01.2010 «Рэпарцёры» занепакоеныя падрыхтоўкай прэзідэнцкага ўказа пра Інтэрнет

Уплывовая міжнародная арганізацыя «Рэпарцёры без межаў» выказала заклапочанасць планамі беларускіх уладаў узмацніць кантроль над Інтэрнетам «у краіне, дзе свабода выказвання і так абмежаваная». Пра гэта гаворыцца ў заяве арганізацыі, апублікаванай на яе сайце 6 студзеня.

08.01.2010 Рэктар БДУ адмовіў у аднаўленьні ва ўнівэрсытэце Тацьцяне Шапуцька

Рэктар БДУ Сяргей Абламейка праігнараваў меркаваньне некалькіх соцень студэнтаў унівэрсытэта.

08.01.2010 Сяргею Каваленку пагражае крымінальная справа

35-гадовага актывіста КХП БНФ зь Віцебску Сяргея Каваленку да панядзелка пакінулі ў ізалятары часовага ўтрыманьня абласнога ўпраўленьня ўнутраных спраў. Яго абвінавачваюць у хуліганстве. Так міліцыя ацаніла тое, што ўчора Каваленка зьдзейсьніў беспрэцэдэнтны ўчынак — вывесіў бела-чырвона-белы сьцяг на галоўнай каляднай ёлцы Віцебску.

06.01.2010 Першамайскі РУУС часткова прызнаў сваю віну перад журналістам. Дэпартамент аховы МУС - не

Супрацоўнікі Першамайскага РУУС часткова прызналі парушэнні, дапушчаныя міліцыянтамі ў дачыненні да затрыманага 29 кастрычніка 2009 года журналіста Уладзімір Грыдзіна. А вось Першамайскі аддзел Дэпартамента аховы МУС лічыць, што яго супрацоўнікі дзейнічалі ў поўнай адпаведнасці з законам.

06.01.2010 Альтэрнатыўную службу адклалі яшчэ на год

У Беларусі прыняты план падрыхтоўкі законапраектаў на бліжэйшы год. У ім 42 праекта законаў.

06.01.2010 Лідэры БХД патрабуюць «сатысфакцыі» ад Белтэлерадыёкампаніі

6 студзеня ў судзе Першамайскага раёна Мінска прайшло папярэдняе пасяджэнне па іску сустаршыняў аргкамітэта па стварэнні партыі «Беларуская хрысціянская дэмакратыя» (БХД) Паўла Севярынца і Віталя Рымашэўскага да Белтэлерадыёкампаніі. Іск разглядае суддзя Вольга Багам’я.

06.01.2010 «Магілёўскі час» не зарэгістравалі трэці раз

Міністэрства інфармацыі трэцім разам адмовіла недзяржаўнай газеце «Магілёўскі час» у рэгістрацыі. Гэтым разам чыноўнікі, паводле дырэктаркі ТАА Ганны Ільіной, выявілі, што памяшканне, у якім знаходзіцца юрыдычны адрас выдання, не адпавядае патрабаванням заканадаўства.

06.01.2010 "Чым бліжэй да выбараў – тым большы ціск улады"

Кіраўніца зарэгістраванай у Літве грамадзкай арганізацыі “Праваабарончы альянс” Людміла Гразнова ўпэўненая: сёлета парушэньняў правоў чалавека ў Беларусі будзе больш, чым летась. Такі прагноз яна зрабіла сёньня падчас прадстаўленьня “Хронікі парушэньняў правоў чалавека ў Беларусі ў 2009 годзе”. Людміла Гразнова,

06.01.2010 Справа Аўтуховіча і Асіпенкі перададзеная ў Вярхоўны суд

Справа Мікалая Аўтуховіча і Ўладзіміра Асіпенкі перададзеная ў Вярхоўны суд Беларусі. Пра гэта агенцтву БелаПАН паведамілі адвакат Аўтуховіча Павел Сапелка і адвакат Асіпенкі Тамара Сідарэнка.

Віктар Гумінскі: “Беларусь непасрэдна падышла да таго, каб пачаць падрабязна, празрыста і шырока абмяркоўваць пытаньне аб адмене пакараньня смерцю”

05.01.2010 Віктар Гумінскі: “Беларусь непасрэдна падышла да таго, каб пачаць падрабязна, празрыста і шырока абмяркоўваць пытаньне аб адмене пакараньня смерцю”

Актывісты “кампаніі “Праваабаронцы супраць сьмяротнага пакараньня ў Беларусі” атрымалі адказ на свой зварот у Палату прадстаўнікоў Нацыянальнага сходу Рэспублікі Беларусі. Нагадаем, што10 снежня прадстаўнікі праваабарончай супольнасьці перадалі ў Адміністрацыю Прэзідэнта Рэспублікі Беларусь петыцыю з заклікам адмяніць гэты від пакараньня, які расцэньваецца як парушэньне права на жыцьцё, гарантаванае Канстытуцыяй і міжнароднымі дамовамі ў галіне правоў чалавека. Адначасова копія звароту была перададзеная і ў Палату прадстаўнікоў Нацыянальнага сходу Рэспублікі Беларусь.

05.01.2010 Скаргу бярозаўскіх праваабаронцаў на рашэньне аб забароне пікету разглядае суд

У судзе Бярозаўскага раёна 5 студзеня адбыліся папярэднія слуханьні па скарзе праваабаронцаў на рашэньне мясцовых уладаў аб забароне правядзеньня пікету, прымеркаванага да гадавіны Усеагульнай дэкларацыі правоў чалавека.

05.01.2010 Крымінальная справа супраць Саюза палякаў

Супрацоўнікі міліцыі ўзбудзілі крымінальную справу супраць кіраўніка Дома польскага ў Івянцы Тэрэсы Собаль, якая з’яўляецца сябрам непрызнаванага ўладамі Саюза палякаў на Беларусі на чале з Анжалікай Борыс.