Праваабарончы цэнтр «ВЯСНА»

Навіны за 20 сакавіка 2009

20.03.2009 Незарэгістраваная “Наша Вясна” падала скаргу ў Вярхоўны Суд

Праваабаронцы, заснавальнікі ГПА “Наша Вясна”, 19 сакавіка падалі скаргу ў Вярхоўны Суд Рэспублікі Беларусь на рашэньне Міністэрства юстыцыі Рэспублікі Беларусь аб адмове ў дзяржаўнай рэгістрацыі.

20.03.2009 Ці знойдзецца ў Менску памяшканьне для новага ўстаноўчага сходу “Нашай Вясны”?

Сузаснавальнікі грамадскага праваабарончага аб'яднаньня “Наша Вясна”, якому ў другі раз было адмоўлена ў рэгістрацыі 26 лютага, не пакідаюць надзеі займець легальны статус у Беларусі. Яны прынялі рашэньне ў самы бліжэйшы час сабраць яшчэ адзін устаноўчы сход і ў трэці раз паўтарыць працэдуру, неабходную для падачы дакументаў для рэгістрацыі ў Міністэрства юстыцыі.

20.03.2009 Беларусь запрошаная ва «Ўсходняе партнёрства»

На саміце кіраўнікоў краінаў Еўрасаюзу ў Бруселі была зацверджаная праграма «Ўсходняга партнёрства». У лік шасці краінаў, на якія распаўсюджваецца праграма, трапіла і Беларусь.

20.03.2009 У Беларусі каля 60 тысяч работнікаў прымусова адправілі ў адпачынак

Федэрацыя прафсаюзаў рэкамендавала сабе сачыць за тым, каб прадпрыемствы не звальнялі працаўнікоў ды не зніжалі ім заробкі. Але, як даведалася Еўрарадыё, ні дзяржаўныя прафсаюзы, ні Міністэрства працы ніякім маніторынгам становішча не займаюцца

20.03.2009 Стыхійны страйк у Рэчыцы

Сёньня апоўдні ў Рэчыцы на “Цэнтральным” і “Славянскім” рынках прайшлі стыхійныя сходы прадпрымальнікаў. Нагодай сталі вывешаныя падаткоўцамі новыя стаўкі адзінага падатку на гандаль рознымі таварамі, прынятыя ў мінулым месяцы сэсіяй Гомельскага абласнога савету.

20.03.2009 Актывісты Баранавічаў - супраць рашэння гарвыканкама аб парадку правядзення масавых мерапрыемстваў

У Баранавічах група актывістаў дэмсіл звярнулася ў гарадскі савет дэпутатаў з просьбай адмяніць рашэнне Баранавіцкага гарвыканкама ад 17 студзеня 2006 года № 4 "Аб парадку правядзення ў г. Баранавічы масавых мерапрыемстваў". Аналагічная просьба накіравана ў Брэсцкі аблвыканкам. Пад гэтымі дакументамі падпісаліся член БХК Карней Пятровіч, актывіст руху "За Свабоду" Віктар Сырыца і праваабаронца Сяргей Гоўша.

20.03.2009 “Гародня, будзьма з мовай!”

Пад такім лозунгам 22 сакавіка ў 12.00 у Гродне адбудзецца ІІ Агульнанацыянальная дыктоўка.

20.03.2009 Фэрэра-Вальднер – Сурвіле: “Спадзяюся, улада ўстрымаецца ад затрыманьняў”

Эўракамісар Бэніта Фэрэра-Вальднэр даслала ліст старшыні Рады БНР Івонке Сурвіле. Ліст быў дасланы ў адказ на зварот Івонкі Сурвілы у сувязі з рэпрэсіямі супраць актывістаў апазыцыі ў Беларусі, у прыватнасьці, гвалтоўным прызывам у войска некаторых моладзевых актывістаў.

20.03.2009 Сталічныя медыкі не лічаць патрэбным абследваць вайскоўца-апазіцыянера

Пінскі актывіст Руху "За Свабоду" быў накіраваны на абследаванне ў Мінск, аднак сталічныя вайсковыя медыкі праводзіць дасканальнае абследаванне не лічаць патрэбным.

20.03.2009 За вяртаньне касьцёла Сьвятога Язэпа вернікі моляцца пяты год

Споўнілася чатыры гады, як вернікі розных каталіцкіх парафіяў моляцца за вяртаньне касьцёла Сьвятога Язэпа і кляштара бэрнардынцаў у Менску. Ад верасьня некалькі дзесяткаў чалавек таксама трымаюць малітоўны пост. Такім чынам акцыя за вяртаньне касьцёлу працягваецца.

20.03.2009 Актывістаў палохаюць выключэньнем са школы

Салігорскаму маладафронтаўцу Андрусю Тычыне пагражаюць выключэньнем са школы. На днях маладзёна выклікалі ў гарвыканкам на "прафіляктычную" гутарку да намесьніцы кіраўніка аддзела адукацыі Алы Бародзіч.