“Гародня, будзьма з мовай!”

Пад такім лозунгам 22 сакавіка ў 12.00 у Гародні адбудзецца ІІ Агульнанацыянальная дыктоўка.

Тэкст дыктоўкі чытае Зінаіда Бандарэнка, легендарная беларуская дыктарка. Усе ўдзельнікі атрымаюць памятныя асадкі і падарункі з лагатыпам дыктоўкі. А па заканчэнні дыктоўкі чакае святочны, інтэграцыйны торт.

І не бойцеся напісаць дыктоўку. Яна не ёсць тэстам на валоданне мовай. У першую чаргу, гэта жэст салідарнасці з беларускай мовай, з беларускай незалежнасцю, нашае сведчанне таго, што беларуская мова жывая і мае ў нашым горадзе шмат прыхільнікаў.

Напісаны тэкст можна будзе пакласці ў сямейны архіў, захаваць для нашчадкаў, перадаць ім як унікальнае сведчанне павагі да беларускай самабытнасці. 

Засведчым усяму свету і сабе, што беларуская мова жывая і мае ў нашым горадзе шмат прыхільнікаў!

Збор - 22 сакавіка, 12.00, Будзёнага 48а-44 (памяшканне Таварыства Беларускай Школы).

Ахвотныя далучыцца да напісання дыктоўкі звяртайцеся за падрабязнай інфармацыяй па тэлефоне ў Гародні – 74-44-28.

Усе падрабязнасці на http://ruh-u-hrodna.livejournal.com