Праваабарончы цэнтр «ВЯСНА»

Навіны за 25 сакавіка 2009

25.03.2009 25 сакавіка: хроніка пераследу

Гэтая інфармацыя ўвесь час цягам дня дапаўняецца. Сачыце за зьменамі!

25.03.2009 Затрыманьні ў Віцебску

Сёньня ў Віцебску на плошчу Свабоды выйшлі з бел-чырвона-белымі сцягамі актывісты КХП Сяргей Каваленка, Ігар Базараў і Валерый Аляксандраў. Праз пяць хвілін іх затрымалі супрацоўнікі Кастрычніцкага РАУС Віцебска. Зараз на актывістаў складаюцца пратаколы за ўдзел у несанкцыянаваным мерапрыемстве. Магчыма, сёння адбудзецца суд над удзельнікамі акцыі, прысвечанай Дню Волі.

25.03.2009 У Гомелі адбыўся суд над Жукоўскім і Трыфанавым

У судзе Цэнтральнага раёна Гомелю адбыўся разгляд адміністратыўных справаў у дачыненні да актывістаў партыі «Беларуская хрысціянская дэмакратыя» Канстанціна Жукоўскага і Сяргея Трыфанава. Актывістаў абвінавацілі па артыкуле 17.1 Адміністратыўнага кодэксу – “у хуліганстве”.

25.03.2009 Дзе праводзіць устаноўчы сход заснавальнікам “Нашай Вясны”?

На сённяшні дзень фактычна ўсе арганізацыі, да якіх звярнуліся заснавальнікі “Нашай Вясны” з просьбай прадаставіць у арэнду памяшканне для правядзення устаноўчага сходу аб’яднання, праваабаронцам адмовілі. Сход прызначаны на нядзелю, 29 сакавіка.

25.03.2009 КДБ пагражае салігорскай актывістцы

Супрацоўнікі КДБ наведалі салігорскую школу № 10. Яны цікавіліся пасьпяховасьцю вучаніцы 11 клясы Крысьціны Самойлавай.

25.03.2009 Улады рыхтуюць правакацыю супраць удзельнікаў акцыі 25 сакавіка

Заяўнікі акцыі 25 сакавіка Лявон Баршчэўскі, Вінцук Вячорка, Віктар Івашкевіч, а таксама Мікола Статкевіч і Анатоль Лябедзька на прэс-канфэрэнцыі аб'явілі аб правакацыі супраць удзельнікаў акцыі, арганізаванай уладамі.

25.03.2009 Берасцейскіх маладафронтаўцаў у Дзень Волі выклікаюць у ваенкамат

Актывістаў Маладога Фронту з Берасця Івана Стасюка, Міхася Ільіна і Андруся Шарэнду выклікалі ў ваенкамат 25 сакавіка.

25.03.2009 У Гомелі затрыманыя актывісты партыі "Беларуская хрысціянская дэмакратыя"

25 сакавіка каля 6 гадзінаў раніцы ў Гомелі міліцыянты затрымалі актывістаў партыі "Беларуская хрысціянская дэмакратыя" Кастуся Жукоўскага і Сяргея Трыфанава.