Праваабарончы цэнтр «ВЯСНА»

Навіны за Верасень 2008

27.09.2008 Кандыдаты па Віцебскай вобласці заяўляюць, што дзяржаўныя СМІ цэнзуравалі іх праграмы

Кандыдаты ў дэпутаты Палаты прадстаўнікоў Нацыняльнага сходу Беларусі з так званага «Еўрапейскага спісу», якія балатуюцца ў Віцебскай воблаці, заявілі, што мясцовыя дзяржаўныя газеты – «Віцьбічы», «Народнае слова», «Віцебскі рабочы», а таксама некаторыя раённыя выданні выкарыстоўвалі цэнзуру, калі друкавалі іх перадвыбарныя праграмы. Пра гэта кандыдаты паведамілі падчас сённяшняй прэс-канферэнцыі, якія адбылася ў сядзібе Партыі БНФ.

27.09.2008 У датэрміновым галасаванні за чатыры дні прынялі ўдзел 18,8% выбаршчыкаў

Па дадзеных сакратара Цэнтрвыбаркама, у Брэсцкай вобласці датэрмінова прагаласавалі 17,3% выбаршчыкаў, у Віцебскай - 22,6%, Гомельскай - 20,1%, Гарадзенскай - 17,2%, Менскай - 19,1%, Магілёўскай - 19% і Менску - 16,9%.

27.09.2008 Перадвыбарчая агітацыя. Вынікі маніторынгу і высновы

У межах доўгатэрміновага маніторынгу выбараў праваабаронцы адсочвалі правядзенне этапа прадвыбарчай агітацыі.

27.09.2008 Орша: Выбаршчыкі "знікаюць" цэлымі вуліцамі

Аказалася, што ў Оршы жыхары вуліц Цэлібьева, завулкаў Цэліка, Шакміна і Рынкавага, Метэаралагічнага праезду пазбаўленыя выбарчага права, бо гэтыя тэрыторыі не ўключаныя ў склад ні аднаго з выбарчых участкаў.

27.09.2008 Жлобін: Кіраўніцтва БМЗ кантралюе, каб датэрмінова прагаласавалі нават супрацоўніцы, якія знаходзяцца ў дэкрэтным адпачынку

“Прашу помніць аб тым, што спадарыні, якія знаходзяцца ў адпачынках па дагляду за дзіцём, таксама з’яўляюцца работнікамі нашага прадрыемства. З імі неабходна звязвацца і прапаноўваць прагаласаваць”.

27.09.2008 Нароўля: Месца сустрэчы паведаміць нельга

Вялікая зала, мяккія сядзенні -- можна б і пацешыцца цёпламу прыёму, аднак чагосьці не хапала. Не хапала абвесткі аб планаванай сустрэчы з кандыдатам у дэпутаты.

26.09.2008 Крычаў: Ідэолаг хавае ад выбаршчыкаў сваё месца працы?

Як стала вядома ад назральніка Рамана Ражджэственскага, кандыдат у дэпутаты Наталля Белкіна вырабіла два віды ўлётак, у якіх пазначыла розныя месцы працы.

26.09.2008 Брэст: Ні інфармацыі, ні фота, ні відэа…

Старшыня акруговай камісіі папярэдзіла, што давераная асоба кандыдата не мае права здымаць відэа і рабіць фотаздымкі на ўчастках для галасавання, пакуль не атрымае дазвол ад старшыні камісіі. Ніякага артыкулу закона, які бы абумоўліваў дадзенае патрабаванне, яна назваць не змагла.

26.09.2008 Датэрміновае галасаванне: план павінен быць выкананы

Як паведаміў бабруйскім праваабаронцам адзін з сяброў участковай камісіі, на ўсе ўчасткі горада прыйшоў загад з гарвыканкама – зрабіць план па яўцы выбаршчыкаў.

26.09.2008 Магілёў: Сябра АГП не зарэгістравалі назіральнікам

Уладзімір Парфёнаў адзначае, што ні адзін з артыкулаў Выбарчага кодэкса не забараняе яму не прысутнічаць адначасова на некалькіх выбарчых участках.

26.09.2008 Драгічын: Міліцыянты парушылі закон – падцвердзілі акруговая камісія і пракуратура

Супрацоўнікам міліцыі -- оперупаўнаважанаму Мартыновічу А. і старэйшаму ўчастковаму інспектару Вакульчыку С. вынесеныя афіцыйныя папярэджанні аб недапушчальнасці парушэння закона.

26.09.2008 “Бабруйскае жыццё” працягвае абражаць незалежных кандыдатаў

Апошні перадвыбарчы нумар газеты гарвыканкама “Бабруйскае жыццё” зноў амаль цалкам прысвечаны незалежным кандыдатам у дэпутаты.

26.09.2008 Барысаў: Участковыя камісіі атрымалі інструкцыі?

Як паведаміў Леў Марголін, кіраўнік перадвыбарчага штаба кандыдата ў дэпутаты па Барысаўскай гарадской выбарчай акрузе №62 Віктара Гарбачова, складаецца ўражанне, што ўчастковыя выбарчыя камісіі ў гэтай акрузе атрымалі пэўныя інструкцыі з нагоды "апячатвання" урнаў для датэрміновага галасавання.

26.09.2008 Баранавічы: Прагаласаваў – павінен адсправаздачыцца

Яшчэ адзін дакументальны доказ таго, што настаўнікаў і ўсіх супрацоўнікаў школаў “настойліва просяць” прагаласаваць датэрмінова, дасланы з Баранавічаў. Болей за тое, тут неабходна яшчэ, прагаласаваўшы, распісацца ў адмыслова падрыхтаваных спісах, якія захоўваюцца на стале ў настаўніцкай.