Праваабарончы цэнтр «ВЯСНА»

Навіны за Верасень 2008

26.09.2008 Менск: Сёння мае адбыцца замена бюлетэняў з датэрміновага галасавання

Пятніца, 26 верасня, - "кантрольны" дзень датэрміновага галасавання. Ёсць меркаванне, што пасля заканчэння сённяшняга дня галасавання адбудзецца замена бюлетэняў. Такую выснову дазваляюць зрабіць тыя звесткі, што паступаюць ад супрацоўнікаў розных сталічных установаў і ведамстваў.

26.09.2008 За мяжой грамадзяне Беларусі не могуць прагаласаваць за кандыдата ад апазіцыі

Беларускія грамадзяне, якія знаходзяцца падчас выбарчай кампаніі за мяжой, таксама маюць права прагаласаваць, у тым ліку і датэрмінова. Але чамусьці толькі па Купалаўскай акрузе № 95 г. Мінска, нават калі ні да гэтай акругі ні да самога Мінска ніякога дачынення выбаршчыкі не маюць. Такі выбар людзям прапаноўваюць у чатырох выбарчых участках, якія створаныя на тэрыторыі Польшчы ў Варшаве і Беластоку.

26.09.2008 Самая важная праблема – участковыя камісіі

Нягледзячы на пазітыўныя зрухі параўнальна з мінулымі выбарчымі кампаніямі, удзельнікі цяперашняй парламенцкай выбарчай гонкі ад дэмакратычных сілаў зведваюць нямала праблем.

26.09.2008 Брэст: “Слабое звяно” моладзевай арганізацыі АГП

26 верасня старшынь Берасцейскіх абласной і гарадской арганізацый АГП Мікалая Каўша і Уладзіміра Вуека запрасілі на гутарку ў абласное упраўленне КДБ.

26.09.2008 Праўладныя кандыдаты здымаюцца з «выбараў»: 16 акругаў безальтэрнатыўныя

У ЦВК паступіла вусная заява ад кандыдата ў дэпутаты па Іўеўскай выбарчай акрузе №53 Уладзімера Баршчова пра тое, што ён спыняе выбарчую гонку.

26.09.2008 Мазыр: Назіральнік спрабуе даведацца, куды патрачаныя сродкі, выдаткаваныя на арганізацыю месц для размяшчэння агітацыйнай прадукцыі

Назіральнік у Мазырскай акруговай выбарчай камісіі №42 Уладзімір Целяпун накіраваў заявы ў ЦВК і Мазырскую пракуратуру аб праверцы таго, куды патрачаныя сродкі, выдаткаваныя на арганізацыю і абсталяванне месц для размяшчэння агітацыйнай прадукцыі кандыдатаў.

26.09.2008 Пракуратура сочыць за назіральнікам

Ельская раённая пракуратура завяла адміністрацыйную справу пра парушэньне заканадаўства аб выбарах супраць актывіста АГП і назіральніка з Калінкавічаў Дзяніса Рабянка.

26.09.2008 Гародня: Моладзь гоняць на датэрміновае галасаванне

Сёння давераная асоба Сяргея Антусевіча Сяргей Мальчык у Педагагічным Коледжы Гародні сутыкнуўся з групай актывістаў БРСМ, якія вылоўлівалі студэнтаў і цягнулі іх на выбарчыя ўчасткі, каб тыя прагаласавалі датэрмінова.

26.09.2008 Беларусаў “пераконваюць” прагаласаваць датэрмінова

Пісьмовыя заклікі да датэрміновага галасавання размешчаныя не толькі ў грамадскіх месцах (крамах, майстэрнях, цырульнях, лазнях і г.д.), але і ў жылых дамах.

26.09.2008 Кандыдат карыстаецца службовымі тэлефонамі і сваімі працоўнымі кадрамі

Відавочна, што спадарыня Багдановіч карыстаецца не толькі службовымі тэлефонамі, але і працоўнымі кадрамі, сваімі падначаленымі, дзеля дасягнення палітычных мэтаў, што забаронена выбарчым заканадаўствам.

26.09.2008 Камісіі ўтойваюць колькасць датэрмінова прагаласаваўшых

Старшыня камісіі ўчастку для галасавання №19 Віцебскай-Горкаўскай выбарчай акругі №17 (за два дні тут прагаласавала больш больш за 23% выбаршчыкаў) адмовіўся прадставіць інфармацыю пра колькасць датэрмінова прагаласаваўшых у трэці дзень.

26.09.2008 Слуцк: Настаўнікаў прымушаюць галасаваць датэрмінова

Прадстаўнік БХК у Салігорску і рэгіёне Леанід Мархотка сфатаграфаваў аб'яву, размешчаную на дошцы аб'яваў Слуцкай гімназіі №1. "Паважаныя калегі!!! Сёння (25 верасня) неабходна тэрмінова прагаласаваць. Па выбарчых участках запатрабавалі спісы непрагаласаваўшых настаўнікаў".

26.09.2008 Кнігарні баяцца вымірання

У беларускіх кнігарнях пераважная большасць літаратуры прадстаўлена расійскімі выданнямі. А колькасць беларускамоўнай літаратуры ідзе на адзінкі. Як распавяла "Народнай волі" дырэктар Дома кнігі "Веды" Таццяна Клімовіч, на паліцах нашых крам у чатыры разы менш літаратуры беларускай вытворчасці, чым расійскіх кніг, дапаможнікаў, альбомаў і падручнікаў.

26.09.2008 Зьміцер Прэдка затрыманы з улёткамі пра выбары

Сябра ГА БНФ "Адражэньне" Зьміцер Прэдка распаўсюджваў у адным зь інтэрнатаў Зялёнага Лугу незалежную інфармацыю аб выбарах з вытрымкамі з выбарчага заканадаўства. У памяшканьні інтэрната Зьміцер быў груба затрыманы дружынай, якая дзейнічала ў адпаведнасьці з загадам кіраўніка інтэрнатаўскай дружыны і ідэоляга Дзмітрыя Фёдаравіча Кузьняцова, які зьяўляецца сябрам акруговай выбарчай камісіі па Ўсходняй выбарчай акрузе № 107.

26.09.2008 Глыбокае: Берніковіч правёў пікет на ганку райвыканкаму

Кандыдат ад Партыі БНФ па Глыбоцкай выбарчай акрузе № 22 Яраслаў Берніковіч у рамках сваёй агітацыйнай кампаніі правёў аднаасобную акцыю пратэсту супраць недэмакратычных мэтадаў, якія выкарыстоўваюцца падчас гэтых выбараў. Акцыя адбывалася ў цэнтры Глыбокага, а гледачамі былі шматлікія мінакі.