Праваабарончы цэнтр «ВЯСНА»

Навіны за 16 верасьня 2008

16.09.2008 29 сябраў участковых камісій на адной акрузе вылучаныя незаконна

Шэраг парушэньняў зафіксавана падчас выбарчай кампаніі на Салігорскай сельскай акрузе №76. Дваццаць дзевяць чалавек, вылучаных у склад выбарчай камісіі ад працоўых калектываў, на самой справе не зьяўляюцца супрацоўнікамі тых калектываў, якія іх вылучаюць, - паведаміў прэсавай службе аргкамітэту па стварэньні БХД Віктар Віктаравіч Дашкевіч, які зьяўляецца назіральнікам на названай акрузе.

16.09.2008 На недзяржаўную прэсу «пасыпаліся» скаргі, зыскі і папярэджанні

Зыск да недзяржаўнага рэгіянальнага выдання «Газета Слонімская» накіравала ў суд старшыня мясцовай арганізацыі грамадскага аб’яднання «Беларускае таварыства інвалідаў» Алена Новікава. Зыскоўца, пакрыўджаная на публікацыю ў жнівеньскім нумары «ГС», патрабуе ад газеты грашовай кампенсацыі за маральны ўрон у памеры 5 мільёнаў 800 тысяч рублёў. Акрамя гэтага, жанчына напісала скаргі ў Слонімскую пракуратуру і Міністэрства інфармацыі.

16.09.2008 Уладзімір Вялічкін: “Супрацоўнікі міліцыі кіруюцца “Рашэннем на забеспячэнне аховы правапарадку…”

Праваабаронца лічыць, што затрыманьне і адміністратыўны арышт Міхася Ільіна і Яўгена Скрабца, якія мелі месца напярэдадні, носяць прэвентыўны характар і накіраваныя на нейтралізацыю так званых “дэструктыўных элементаў у грамадзтве напярэдадні выбараў”.

16.09.2008 Актывістаў "Руху За Свабоду" апытваюць у сувязі з выбухам

Раніцай 16 верасня міліцыянты прыйшлі да актывіста Руху “За Свабоду” Ігара Салаўя з Пінска, а таксама патэлефанавалі Аляксандру Рамановічу, каардынатару Руха, з просьбай тэрмінова сустрэцца па справе выбуху ў Мінску 3 ліпеня.

16.09.2008 Віцебск: Няроўныя ўмовы для кандыдатаў

Сёння адбылася сустрэча кандыдата ў дэпутаты па Віцебскай-Чыгуначнай выбарчай акрузе №19 Андрэя Левінава з асабістым складам АУС адміністрацыі Кастрычніцкага раёна г.Віцебску.

16.09.2008 Баранавічы: Акцыя “5 бульбачак”

Дзяржаўная ўстанова “Тэрытарыяльны цэнтр сацыяльнага абслугоўвання насельніцтва г.Баранавічы” рассылае ў школы лісты, у якіх «убедительно просят», каб кожны школьнік прынёс у навучальную ўстанову па 5 ці болей бульбін з мэтай “оказать помощь пожилым людям, особенно одиноким, в заготовке картофеля”.

16.09.2008 У Кангрэсе ЗША пройдуць слуханьні, прысьвечаныя парлямэнцкім выбарам у Беларусі

Хельсінкская камісія Кангрэса ЗША 16 верасня правядзе слуханні, прысвечаныя маючым адбыцца ў Беларусі парламенцкім выбарам. Як паведамляе прэс служба Кангрэса, падчас слуханняў будзе абмяркоўвацца сітуацыя з дэмакратыяй і правамі чалавека, а таксама выкананне беларускімі ўладамі сваіх абавязацельстваў перад АБСЕ напярэдадні прызначаных на 28 верасня выбараў у Палату прадстаўнікоў.

16.09.2008 "Правільная" ідэалогія ў тэлеэфіры набірае сілу

Да канца верасня ў Жодзіна плануецца пачаць вяшчанне мясцовага тэлеканала, які будзе прыналежаць рэгіянальнай тэлекампаніі "Сфера".

16.09.2008 У Полацку адмовілі ў правядзенні пікету за байкот выбараў

У адмове, падпісанай намеснікам старшыні Полацкага гарвыканкама М.Ільюшонкам, сцвярджаецца, што якраз “у межах правядзення планавых гарадскіх мерапрыемстваў… будзе дэманстравацца дзіцячы кінасеанс з удзелам вялікай колькасці вучняў навучальных устаноў горада” і ў сувязі з гэтым правядзенне пікета “можа ўскладніць грамадскую бяспеку на плошчы перад кінатэатрам”.

16.09.2008 У Полацку ўчора затрымалі Алеся Круткіна

Увечары 15 верасня ў Полацку быў затрыманы адзін зь лідэраў мясцовай філіі Маладога Фронту Алесь Круткін. Алеся затрымаў ў цэнтры гораду супрацоўнік міліцыі І. Крахотка, які пры даглядзе знайшоў ў рэчах маладафронтаўца газэты, прысьвечаныя фальсыфікацыям падчас парлямэнцкай выбарчай кампаніі.

16.09.2008 Чарговыя затрыманьні ў Салігорску

Чарговае затрыманьне валянцёра незалежнага выданьня "Свабодны Салігорск" адбылося ўвечары 15 кастрычніка. Гэтым разам была затрымана маладафронтаўка Хрысьціна Самойлава, якая ля ўнівэрмага "Салігорск" распаўсюджвала апошні нумар газэты прысьвечаны вызваленьню палітвязньняў і набліжаючымся выбарам у Палату Прадстаўнікоў.

16.09.2008 Браслаўскія перадвыбарчыя ініцыятывы

У Браславе мясцовы райкам БРСМ поўны рашучасьці зноў забясьпечыць дэпутацкае месца цяперашняму “палатніку” – кндыдату Ўладзіміру Скавародку. Першы сакратар Галіна Паніч пераконвае, што моладзь узварушыць “балота агітацыі”:

16.09.2008 Дзяніс Садоўскі атрымаў два папярэджанні

Кандыдату у дэпутаты па Мінскай Масюкоўшчынскай выбарчай акрузе №103 Дзянісу Садоўскаму акруговая выбарчая камісія за ўчорашні дзень вынесла адразу 2 папярэджанні – за заклік на сустрэчу з Аляксандрам Мілінкевічам і за распаўсюд “Народнай Волі”.

16.09.2008 Вілейка: Дадалася яшчэ адна безальтэрнатыўная акруга

13 верасня кандыдат у дэпутаты па Вілейскай выбарчай акрузе №64, дзеючы дэпутат Віктар Анікеенка падаў у акруговую камісію заяву аб зняцці сваёй кандыдатуры з выбараў. На паседжанні 15 верасня камісія пажаданне дэпутата задаволіла.

16.09.2008 Брэст: Самы багаты з кандыдатаў -- дэпутат

У памяшканні Брэсцкай Заходняй выбарчай акрузе №1 можна азнаёміцца з агульным агітацыйным плакатам кандыдатаў, у тым ліку - з дадзенымі пра прыбыткі старшыні БСДП (Грамада) Анатоля Ляўковіча, сябра ЛДП Барыса Гасана і цяперашнега дэпутата Палаты прадстаўнікоў Алега Вялічкі.