Праваабарончы цэнтр «ВЯСНА»

Навіны за Верасень 2008

27.09.2008 У Баранавічах ужо наступіла 28 верасня

У гарадскім аўтобусе маршрута № 14 агучваецца запісаная абвестка: “Сёння, 28 верасня, праходзяць выбары ў Палату прадстаўнікоў Нацыянальнага сходу Рэспублікі Беларусь. Вы можаце прагаласаваць з 8-00 да 20-00”.

27.09.2008 Глыбокае: Ілжэ-агітатары для карцінкі

Днём 26 верасня па Глыбокім хадзілі групай мужчыны відавочна на моцным падпітку, валацужнага выгляду і раздавалі мінакам улёткі з праграмай Берніковіча.

27.09.2008 Барысаў: Удзел у выбарах ужо не права, а абавязак

На дзвярах пад'ездаў дамоў на вуліцы Трусава расклееныя ўлёткі, у якіх сцвярджаецца, што "у адпаведнасці з Выбарчым Кодэксам Рэспублікі Беларусь, удзел у выбарах з'яўляецца АБАВЯЗКАМ кожнага грамадзяніна Рэспублікі Беларусь, дасягнуўшага 18 гадоў".

27.09.2008 Віцебск: Барацьба скаргаў. Кандыдату ад ПКБ вынесена папярэджанне

26 верасня на паседжанні акруговай выбарчай камісіі Віцебскай-Кастрычніцкай выбарчай акругі №20 былі разгледжаныя дзве скаргі аб парушэнні заканадаўства падчас агітацыйнай кампаніі.

27.09.2008 Дэмакраты спалілі перад Цэнтравыбаркамам свае пасведчанні кандыдатаў у «дэпутаты»

У знак пратэсту супраць фальсіфікацыяў «парламенцкіх выбараў», якія рыхтуюцца , кандыдаты ў дэпутаты ад Еўрапейскага спісу перад будынкам ЦВК сёння спалілі свае пасведчанні кандыдатаў у «дэпутаты».

27.09.2008 Маладэчна: “Птушачка” ў патрэбным месцы

У Маладэчне на выбарчых участках ужо каторыя па ліку выбары практыкуецца такая схаваная форма агітацыі, як узор запаўнення бюлетэня.

27.09.2008 Віцебск: Назіральнікі не змогуць даведацца пра колькасці прагаласаваўшых датэрмінова

Датэрміновае галасаванне завяршаецца 27 верасня ў 19.00, а акруговыя камісіі ў гэты дзень працуюць да 14.00. Такім чынам, назіральнікі ў акруговых камісіях будуць пазбаўленыя магчымасці атрымаць 27 верасня звесткі аб датэрмінова прагаласаваўшчых выбаршчыках.

27.09.2008 Галасаванне ў Міёрах: адзін за ўсіх…

На шэрагу ўчасткаў у Міёрскай выбарчай акрузе № 24 пры датэрміновым галасаванні не патрабуюць ад выбаршчыкаў пашпарты, а некаторым прапануюць прагаласаваць за іншых членаў сям’і, прапісаных па тым жа адрасе.

27.09.2008 Віцебск: Датэрміновае галасаванне - "грамадзянскі абавязак"

У настаўніцкай гімназіі №8 г. Віцебска (Віцебская-Чкалаўская выбарчая акруга №18) размешчаны лісток з ананімным заклікам: "Праявіце свой грамадзянскі абавязак - прагаласуйце датэрмінова".

27.09.2008 Вілейка: Безальтэрнатыўнасць выбару негатыўна адбіваецца на галасаванні

Як адзначаюць назіральнікі, пры датэрміновым галасаванні многія, пабачыўшы ў бланку толькі адно прозьвішча, нават не ідуць у кабінку. Бюлютэні для галасавання людзі проста выкідваюць, часта дэманстратыўна іх парваўшы.

27.09.2008 Смаргонь: Выбары ў закрытым рэжыме

Па заканчэнні кожнага дня адзін з сяброў участковай камісіі па тэлефоне паведамляў колькасць прагаласаваўшых за дзень. Пытанне – каму?

27.09.2008 «Рэпарцёры без межаў» не задаволеныя асвятленнем выбарчай кампаніі ў беларускіх СМІ

Міжнародная арганізацыя «Рэпарцёры без межаў» незадаволеная тым, як беларускія медыя асвятляюць выбарчую кампанію. Да такой высновы арганізацыя прыйшла, азнаёміўшыся з вынікамі маніторынгаў БАЖ і АБСЕ. Адпаведная заява 26 верасня з’явілася на сайце «Рэпарцёраў».

27.09.2008 Былая кандыдатка вярне дзяржаве амаль у тры разы больш грошай, чым выкарыстала на кампанію

Таццяне Севярынец, якая знялася з выбараў у Палату прадстаўнікоў, акруговая камісія налічыла дзеля вяртання дзяржаве 1 мільён 329 тысячаў 511 беларускіх рублёў. Улічваючы, што былая кандыдатка выкарыстала на агітацыйную кампанію толькі болей за 500 тысячаў дзяржаўных сродкаў, гэтая сума ёй здалася не зусім адпаведнай выдаткам камісій.

27.09.2008 Жанна Літвіна - лаўрэат прэміі Фонда Эберта па правах чалавека

Як стала вядома прэс-службе БАЖ, старшыня грамадскага аб’яднання «Беларуская асацыяцыя журналістаў» Жанна Літвіна стала лаўрэатам прэміі Фонда імя Фрыдрыха Эберта па правах чалавека ў 2008 годзе.

27.09.2008 На Віцебшчыне працягваюцца парушэнні правоў непраўладных кандыдатаў

Кандыдатка са спісу АДС старшыня незарэгістраванага прафсаюзу прадпрымальнікаў “Разам” Ірына Яскевіч вымушаная падаць скаргу на тое, што акруговая камісія заплюшчвае вочы на парушэнні Выбарчага кодэксу з боку кандыдата ад улады.