Праваабарончы цэнтр «ВЯСНА»

Навіны за Верасень 2008

29.09.2008 Магілёў: Сябра акруговай камісіі адмовіўся падпісваць выніковы пратакол

Сябра акруговай выбарчай камісіі №86, старшыня магілёўскай абласной арганізацыі ПКБ Валеры Беразіенка адмовіўся падпісваць выніковы пратакол паседжання акруговай выбарчай камісіі №86.

29.09.2008 Баранавічы: Лічбы “пляшуць”

На некаторых участках назіральнікі змаглі атрымаць дадзены пра вынікі раздзельнага падліку галасоў. І вынікі гэтыя надзіва адрозніваюцца.

29.09.2008 АБСЕ не прызнала парламенцкія выбары ў Беларусі свабоднымі і дэмакратычнымі

Выбары ў Беларусі не могуць быць прызнаныя АБСЕ цалкам свабоднымі і дэмакратычнымі, заявіла на прэс-канферэнцыі ў Менску кіраўнік назіральніцкай місіі БДІПЧ АБСЕ на парламенцкіх выбарах у Беларусі віцэ-прэзідэнт ПА АБСЕ Анн-Мары Лізэн.

29.09.2008 Што могуць бачыць назіральнікі пры падліку галасоў (відэа)

Працэс "падліку" галасоў на ўчастку для галасавання №473 па Старавіленскай выбарчай акрузе г. Менску. Усё, што дазволена бачыць назіральнікам. Любыя спробы падысці бліжэй і паглядзець, што насамрэч там адбываецца, прысякаліся.

29.09.2008 ПАРЛАМЕНЦКІЯ ВЫБАРЫ: ПРАВААБАРОНЦЫ АГУЧЫЛІ ПАПЯРЭДНІЯ ВЫСНОВЫ

Толькі што у офісе РПГА "Беларускі Хельсінкскі Камітэт" скончылася прэс-канферэнцыя, на якой былі агучаны вынікі маніторынга кампаніі па выбарах дэпутатаў Палаты прадстаўнікоў Нацыянальнага сходу Рэспублікі Беларусь чацвёртага склікання. Мы прапаноўваем Вашай увазе папярэднія высновы, зробленыя праваабаронцамі.

29.09.2008 Дзяніс Садоўскі паскардзіўся ў Цэнтарвыбаркам і пракуратуру

Былы кандыдат у дэпутаты па Мінскай-Масюкоўшчынскай выбарчай акрузе №103 Дзяніс Садоўскі перадаў у Цэнтарвыбаркам і пракуратуру горада дакументы аб фальсіфікацыі вынікаў выбараў на сваёй акрузе.

29.09.2008 Мазыр: Тайна апошняга пратакола

Мазырская акруговая выбарчая камісія № 42 працяглы час адмаўлялася вывешываць для азнаямлення выніковы пратакол.

29.09.2008 Місія назіральнікаў ад СНД прызнала выбары ў Беларусі свабоднымі і дэмакратычнымі

Місія назіральнікаў ад СНД прызнала парламенцкія выбары ў Беларусі свабоднымі і дэмакратычнымі, гаворыцца ў заяве місіі назіральнікаў ад СНД.

29.09.2008 Мазыр: Сябра акруговай камісіі выніковы пратакол не падпісаў

Выніковы пратакол па Мазырскай выбарчай акрузе №42 адмовіўся падпісаць вылучаны ад АГП сябра акруговай камісіі ПятухоўА.П.

29.09.2008 У Кобрыне моладзь спрабавала правесці акцыю пратэсту

У Кобрыне па закліку "Маладога фронту" на галоўную плошчу горада ўчора выйшлі некалькі дзесяткаў маладых чалавек.

29.09.2008 Віцебск: Ад падпалкоўніка беларускіх назіральнікаў ратавалі міжнародныя

Старшыня акруговай камісіі з'явілася з падпалкоўнікам міліцыі, які прапанаваў нацыянальным назіральнікам пакінуць памяшканне. Міжнародным калегам прыйшлося за іх заступіцца.

29.09.2008 Мазыр: З участковай камісіяй разбяруцца “кампетэнтныя органы”

Павінны будуць “кампетэнтныя органы” разабрацца, з якімі мэтамі старшыня камісіі разам з усімі бюлетэнямі выходзіў у асобны пакой, атсутнічаў там 15-20 хвілін і адкуль з гатовым выніковым пратаколам выйшаў да сябраў участковай камісіі.

29.09.2008 Барысаў: Паўтысячы бюлетэняў у скрыні для галасавання на даму

Назіральнікі Зміцер Бабіцкі і Зміцер Мацельскі ў Барысаўскай сельскай выбарчай акрузе №63 на ўчастку №45 зафіксавалі неапраўдана вялікую колькасць бюлетэняў у скрыні для галасавання на даму.

29.09.2008 Магілёў: “Дэпутат” Юшкевіч здабываў перамогу пачкамі

Калі ж ускрылі ўрну для галасавання ў дзень выбараў, то сталі заўважны невялікія стосы бюлетэняў перагнутых папалам (колькасцю ад 6-20)” за кандыдата ў дэпутаты Юшкевіча. Такіх стосаў было мінімум 6-7. Пазней на краю стала аднекуль узяўся вялікі стос, каля 200 бюлетэняў, які паступова растусаваўся сярод іншых бюлетэняў.

29.09.2008 Ніхто з беларускіх апазіцыянераў не прайшоў у парламент - Л.Ярмошына

Пасля агучаных лічбаў па 100 акругах з 110 журналісты задалі пытанне, ці правільна яны разумеюць, што ніхто з апазіцыянераў не прайшоў у парламент. "Абсалютна правільна, ніхто з прадстаўнікоў апазіцыі не прайшоў", пацвердзіла Л.Ярмошына.