Праваабарончы цэнтр «ВЯСНА»

Навіны за Чэрвень 2007

21.06.2007 Сьцяпана Сьвідзерскага выклікалі ў КДБ

Учора зраніцы на гарадзенскі хатні тэлефон сябра Партыі БНФ, актывіста кампаніі "Выратуем Горадню разам!" Сьцяпана Сьвідзерскага патэлефанавалі зь міліцыі. Сьледчы Архіпаў паведаміў хлопцу, што справаю, зьвязанаю з распаўсюдам агітацыйных матэрыялаў супраць разбурэньня Горадні, займаецца Камітэт дзяржаўнай бясьпекі.

21.06.2007 «Рэспубліка» абяцае не друкаваць правакацыйных матэрыялаў

Урадавая газета «Рэспубліка» папрасіла прабачэння за свае нядаўнія публікацыі, прысвечаныя памерламу Папе рымскаму Яну Паўлу II і Каталіцкаму Касцёлу.

21.06.2007 Працягваецца барацьба супраць кантрактнай сістэмы

На наступным тыдні Цэнтрвыбаркам павінен даць адказ на пытанне, ці зможа ініцыятыўная група грамадзян пачаць збор подпісаў за ўнясенне ў парламент законапраекта супраць адмены прымусовых кантрактаў.

21.06.2007 Міліцыя затрымлівае нават за малюнкі на асфальце

У Салігорску 19 чэрвеня супрацоўнікамі міліцыі былі затрыманыя маладафронтавец Зьміцер Карноў і сябра АГП Уладзімір Лемеш.

20.06.2007 Кабельныя інфармацыйныя сеткі «ўпарадкуюць»

У найбліжэйшы час у Мінску пачне працаваць камісія Мінгарвыканкама па развіцці паралельных кабельных інфармацыйных сетак. Як заявіў на прэс-канферэнцыі 20 чэрвеня дырэктар УП "Мінскія тэлевізійныя інфармацыйныя сеткі" (МТІС) Віктар Бычкоў, "гэтага рашэння доўгі час чакалі ўсе аператары кабельнага тэлебачання ў Мінску і арганізацыі, якія займаюцца прадастаўленнем інтэрнэт-паслуг і развіццём сетак па перадачы звестак".

20.06.2007 Ліквідатар памёр, не дачакаўшыся рэгістрацыі

У Віцебску на 60-м годзе жыцьця памёр адзін з заснавальнікаў грамадзкага аб’яднаньня “Ліквідатар”, інвалід Чарнобылю Мікалай Шынкоўскі.

20.06.2007 Праект закона «Аб абароне інфармацыі» накіраваны на дапрацоўку

19 чэрвеня адбылося першае абмеркаванне праекта закона "Аб інфармацыі, інфарматызацыі і абароне інфармацыі". Ад Беларускай асацыяцыі журналістаў прыняць удзел у дапрацоўцы рэдакцыі закона “Аб інфармацыі, інфарматызацыі і абароне інфармацыі” запрошаны доктар юрыдычных навук, кіраўнік Цэнтра прававой абароны СМІ Міхаіл Пастухоў. Пасяджэнне працоўнай групы ладзілася на базе парламенцкай камісіі па прамысловасці, паліўна-энергетычнага комплексу, транспарту, сувязі і прадпрымальніцтва.

20.06.2007 Зьмітра Лісіенку аштрафавалі за графіці “Свабоду Шчукіну!”

Судзьдзя Кастрычніцкага райсуду Віцебску прызнала менскага актывіста вінаватым у дробным хуліганстве. Яго пакаралі штрафам 310 тысяч рублёў.

20.06.2007 Пракуратура працягвае запалохваць актыўную моладзь

Сёньня раніцай супрацоўнікі міліцыі і людзі ў цывільным затрымалі каля сваіх дамоў і даставілі ў Менскую гарадскую пракуратуру трох моладзевых актывістаў Яўгена Іванюка, Анастасію Шамарэй і Надзею Манцэвіч.

19.06.2007 У судзе па іску Крысьціны Шацікавай супраць пракуратуры Ленінскага раёну Магілёву аб'яўлены перапынак да 21 чэрвеня

18 чэрвеня судзьдзя Сяргей Каралёў Ленінскага райсуду Магілёву пачаў разглядаць іск Крысьціны Шацікавай супраць пракуратуры Ленінскага раёну гораду. Актывістка дэмакратычнага руху намагаецца адмяніць пастанову сьледчага пракуратуры Рамана Дзьмітрычэнкі, згодна з якой Крысьціне Шацікавай адмоўлена ва ўзбуджэньні крымінальнай справы супраць міліцыянтаў, якія 23 сакавіка гвалтам даставілі яе ў псіхіятрычную лякарню, а таксама супраць адміністрацыі лякарні, дзе яе гвалтам утрымлівалі тры дні.

19.06.2007 Натальля Лукасік: Мы перадусім ставім сямейныя каштоўнасьці вышэй пад падзеямі, што сёньня адбываюцца з намі

Пастар царквы «Ян Прадвесьнік» Яраслаў Лукасік, які на пачатку чэрвеня быў дэпартаваны зь Беларусі за сваю дзейнасьць у абарону рэлігійнай свабоды, цяпер жыве ў Польшчы. Польскае радыё для замежжа зьвязалася з пастарам і запытала, як ён сам ацэньвае сытуацыю, у якой апынуўся.

19.06.2007 Тацяна Севярынец: Дзеля тых дзетак, якія мяне падтрымалі, дзеля іхных бацькоў я буду ісьці датуль, дакуль хопіць сілаў і будзе сэнс

Віцебскай настаўніцы Тацяне Севярынец суд адмовіў у праве аднавіцца на працы. Большасьць яе знаёмых лічаць тое звальненьне палітычна матываваным.

19.06.2007 Больш за сто студэнтаў Гарадзенскага ліцэю і Гарадзенскага дзяржаўнага ўнівэрсытэту падпісаліся пад лістом з просьбай вызваліць Маргарыту Царан

20-гадовую дзяўчыну асудзілі на чатыры гады зьняволеньня за пакупку марыхуаны вагай 0,28 грама. Падпісанты звароту лічаць, што прысуд былой студэнтцы ўнівэрсытэту несправядлівы, а крымінальная справа супраць яе — вынік памылкі альбо правакацыі.

18.06.2007 Жаночыя арганізацыі Беларусі падпісалі мемарандум аб партнёрстве

Прадстаўніцы грамадскіх аб'яднанняў з 17 гарадоў, а таксама ініцыятыў, якія ажыццяўляюць жаночыя праграмы, падпісалі 17 чэрвеня ў Кіеве мемарандум аб партнёрстве. Падпісанне адбылося ў рамках міжнароднай канферэнцыі "Жаночая сетка — шанец набыцця сілы і ўплыву".

18.06.2007 Браян Бэнет: Еўрасаюз ня можа рабіць саступкі, адхіляючыся ад сваіх прынцыпаў і дэмакратычных каштоўнасьцяў

Браян Бенет у інтэрв’ю БелаПАН заявіў, што датэрміновае вызваленне Мікалая Статкевіча і Паўла Севярынца можа з'яўляцца спробай беларускіх уладаў захаваць прэферэнцыі ў гандлі з Еўрасаюзам.