Міліцыя затрымлівае нават за малюнкі на асфальце

У Салігорску 19 чэрвеня супрацоўнікамі міліцыі былі затрыманыя маладафронтавец Зьміцер Карноў і сябра АГП Уладзімір Лемеш.

Салігорскія маладзёны вырашылі выказаць свае пачуцьці да Беларусі і Міру з дапамогай каляровых крэйдаў на асфальце ў цэнтры горада. Гэтае дзеяньне насцярожыла міліцыянтаў, што праходзілі міма. Убачыўшы малюнак бел-чырвона-белага сьцяга супрацоўнікі і затрымалі вышэйзгаданых хлопцаў, прынамсі, цалкам супрацьпраўна. Карнова і Лемеша даставілі ў міліцэйскі пастарунак, дзе ў іх узялі тлумачэньні. Як паведамляе прэс-служба МФ, праз паўгадзіны юнакоў вызвалілі.