Праваабарончы цэнтр «ВЯСНА»

Навіны за Чэрвень 2007

25.06.2007 Заснаваны прадпрымальніцкі прафсаюз “Самазанятасьць”

У нядзелю ў Віцебску адбыўся ўстаноўчы зьезд агульнанацыянальнага прафсаюзу прадстаўнікоў малога бізнэсу “Самазанятасьць”.

25.06.2007 У Пружанах пройдуць пікеты супраць скарачэньня працоўных месцаў

З ініцыятывай правядзення такіх пікетаў выступаюць актывісты руху “За Свабоду”. Паводле аднаго з ініцыятараў акцыі Аляксея Богуша, у сувязі з пераходам газавых кацельняў на дровы каля 50 працаўнікоў жыллёва-камунальнай гаспадаркі раёну скарочаныя - і іхныя сем'і застануцца без сродкаў да існавання.

25.06.2007 У Польшчы створана грамадская ініцыятыва "Sos Гродна!"

Пра гэта было абвешчана ў нядзелю, 24 чэрвеня, падчас прэс-канферэнцыі ў Беластоку. Сёння, 25 чэрвеня, тамтэйшая гарадская Рада мае прыняць адмысловую пастанову аб захаванні агульнай гісторыка-культурнай спадчыны еўрарэгіёну “Нёман”, якая нішчыцца ў Гродна.

25.06.2007 Суддзя перанесла судовае паседжаньне па справе актывіста Алеся Дзеравянкі на адны суткі

У панядзелак у раённым судзе горада Віцебска разглядалася апошняя справа па наступствах пікету ў падтрымку прыцягнутага да крымінальнай адказнасці праваабаронцы Валерыя Шчукіна.

25.06.2007 Падрабязнасці пра палітычную правакацыю на БТ

У чатырох актывістаў беларускай апазыцыі, якія навучаюцца ў Польшчы, на мытні сканфіскаваны два наўтбука з электроннымі дапаможнікамі па тэрарызме", - паведаміў у нядзелю Першы нацыянальны тэлеканал.

22.06.2007 Сябры Партыі БНФ будуць змагацца за роварныя стаянкі

У Менгарвыканкам сябрам моладзі БНФ Андрусём Ігнатовічам і сябрам Управы Партыі БНФ Франакам Вячоркам пададзеная заяўка на правядзеньне пікету. Мэта пікету: узняць пытаньне пра роварныя стаянкі для студэнтаў і жыхароў гораду Менску. Паводле ініцыятара пікету спадара Ігнатовіча, праблему стаянак для ровараў павіненны вырашаць супольна Менскі гарадзкім выканаўчы камітэт і кіраўніцтва ВНУ гораду Менску.

22.06.2007 У Нобэлеўскім інстытуце ўганаравалі беларускіх журналістаў

У Нобэлеўскім інстытуце ў Осла адбылася ўрачыстая цырымонія ўзнагароджаньня прэміяй імя Герда Буцэрыюса. Сярод цяперашніх ляўрэатаў – беларуская газэта “Наша Ніва”, беларускі моладзевы мультымэдыйны праект “СD-mag”, а таксама тры выданьні ад Расеі і Азэрбайджану.

22.06.2007 Акадэмія кіравання катэгарычна адмовілася аднаўляць Юрася Алейніка

У судзе Кастрычніцкага раёна Мінска ўчора адбылася гутарака бакоў, якая папярэднічае суду па пазову Юрася Алейніка супраць адміністрацыі Акадэміі кіравання пры прэзідэнце Беларусі.

21.06.2007 Гісторыкам Гарадзенскага універсітэта забаранілі ўдзел у круглым стале

Прарэктар па вучэбнай і выхаваўчай працы і сацыяльных пытаньнях Гарадзенскага дзяржаўнага ўнівэрсытэту Таццяна Бадзюкова папярэдзіла выкладчыкаў гісторыі аб немэтазгоднасьці ўдзелу у круглым стале "Каму выгодна руйнаваць Горадню?"

21.06.2007 Аляксандар Ярашук: “Галоўныя эканамічныя праблемы яшчэ наперадзе”

У сераду 20 чэрвеня на сайце Радыё Свабода адбылася онлайн-канфэрэнцыя са старшынём Беларускага Кангрэсу дэмакратычных прафсаюзаў Аляксандрам Ярашуком. "Спалідарнасць" прапануе найбольш цікавыя вытрымкі з гэтай размовы.

21.06.2007 Пры выкананьні службовых абавязкаў жорстка зьбіты сябра прафсаюза РЭП з Буда-Кашалёўскага раёну Аляксандр Берасьнеў

Аляксандр Берасьнеў працуе вартаўніком у рэспубліканскім дачэрнім сельскагаспадарчым унітарным прадпрыемстве "Белоруснефть-Особино" і добра вядомы як чалавек з ярка акрэсьленай грамадзянскай пазіцыяй.

21.06.2007 Урадавая газета «Рэспубліка» папрасіла прабачэньня за публікацыі, прысьвечаныя Папе рымскаму Яну Паўлу II і Каталіцкаму Касьцёлу

15 чэрвеня газэта Саўміну «Рэспубліка» надрукавала артыкул Антона Андрэенкі пад загалоўкам «Новые крестоносцы». У ім зьневажаўся Каталіцкі Касьцёл і Ян Павел II, якога аўтар публікацыі абвінаваціў у сувязях з заходнімі сьпецслужбамі і «д’ябальскіх акцыях».

21.06.2007 Студэнт судзіцца з адміністрацыяй Акадэміі кіраваньня

Сёння, 21 чэрвеня, у 16.00 у судзе Кастрычніцкага раёна г. Мінска (вул. Сямашкі, 33) адбудзецца першая сустрэча бакоў судовага працэсу, які быў распачаты па зыску сябра ГА “Беларуская асацыяцыя журналістаў” (БАЖ) Юрася Алейніка да адміністрацыі Акадэміі кіравання пры Прэзідэнце Рэспублікі Беларусь.

21.06.2007 Пан Гі Мун нагадаў Беларусі пра Дэклярацыю правоў чалавека

Генэральны сакратар ААН Пан Гі Мун заявіў, што нягледзячы на скасаваньне мандатаў спэцдакладчыкаў для Беларусі і Кубы, гэтыя краіны ня вызваленыя ад абавязаньняў паважаць Дэклярацыю правоў чалавека.

21.06.2007 У Сьветлагорску рыхтуецца пікет супраць адмены сацыяльных гарантыяў

У Сьветлагорску група грамадзянаў падала ў райвыканкам заяву на правядзеньне пікету. Мэта пікету, паводле заявы, – выразіць пратэст супраць плянуемай адмены сацыяльных гарантыяў для інвалідаў, вэтэранаў вайны і працы, дзяцей, студэнтаў і школьнікаў. Правесьці пікет мяркуецца 8 ліпеня з 16 да 19 гадзінаў у цэнтры гораду.