У Гродзенскай вобласці ствараецца “Матчын рух 328”

2015 2015-11-07T22:00:00+0300 2015-11-09T11:09:50+0300 be http://spring96.org/files/images/sources/matchyn-ruh.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

   У Гродне 7 лістапада прайшоў устаноўчы сход новай грамадскай арганізацыі, якая аб’ядноўвае тых маці, дзеці якіх асуджаны паводле крымінальных спраў да турэмнага зняволення па артыкуле 328. Адсюль і назва новай арганізацыі – сацыяльна-асветніцкае грамадскае аб’яднанне “Матчын рух 328”. Першы сход прайшоў яшчэ ў жніўні бягучага года, пачаткова ў планах было стварэнне гарадской арганізацыі. Але пасля, калі да аргкамітэту далучыліся жанчыны з іншых рэгіёнаў – Ваўкавыску, Зэльвы, было вырашана рэгістраваць абласную структуру.

   У кожнай з гэтых жанчын свая сямейная драма і свая гісторыя, якія яны расказваюць з непрыхаваным болем і слязьмі на вачах. Некаторыя апавядаюць пра незаконныя метады следства ў дачыненні да сваіх дзяцей ці мужоў, падмену пэўных фактаў, іншыя расказваюць пра надзвычай жорсткія ўмовы і метады ўтрымання ў турме зняволеных. Таму адной з мэтаў новай арганізацыі будзе спрыянне абароне правоў асуджаных. “Матчын рух 328” збіраецца весці асветніцкую працу, а таксама дапамагаць тым, хто трапіў у бяду – як нарказалежным, так і іх сем’ям. Была расказана гісторыя, калі бацька аднаго з асуджаных маладзёнаў скончыў самагубствам – павесіўся адразу пасля прысуду свайму сыну. На мэце новага аб’яднання таксама прапаганда здаровага ладу жыцця без наркотыкаў.

   На сходзе заснавальнікаў новай арганізацыі былі падрыхтаваныя ўсе неабходныя паперы для рэгістрацыі аб’яднання. У аргкамітэта ўжо былі праблемы з атрыманнем юрыдычнага адрасу, але яны пераадолены. Неўзабаве ініцыятары стварэння “Матчын рух328” пададуць усе дакументы на рэгістрацыю арганізацыі і будуць чакаць адказу з упраўлення юстыцыі. Старшынёй арганізацыі абрана пенсіянерка Ларыса Жыгар.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international