Ператрусы у маладафронтаўцаў Тычыны і Шылы ў Салігорску

У кватэры салігорскага маладафронтаўца Андруся Тычыны праходзіць ператрус.

Як паспеў паведаміць актывіст, шукаюць парнаграфію, якая нібыта была распаўсюджаная з ягонага акаунта ў сацыяльнай сетцы «Укантакце». Пасля чаго сувязь з Тычынам была перарваная.

Некалькі дзён таму маладафронтаўца выклікалі ў міліцыю. Меркавалася, што гэта звязана з перафарбаваннем 15-метровага знаку на ўездзе ў Салігорск у бел-чырвона-белыя колеры.

Апроч таго, сёння прайшоў ператрус і ў кватэры Уладзіміра Шылы, бацькі маладафронтаўцаў Івана і Іллі Шылы. Міліцыянты забралі з сабой сістэмны блок камп'ютара.