Жыхара Брэста хочуць пакараць за пікет супраць хуткага выканання смяротных прысудаў

2014 2014-04-09T23:20:34+0300 2014-04-09T23:20:34+0300 be http://spring96.org/files/images/sources/ne_smiarotnamu_pakaranniu.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Акцыя, у якой браў удзел Дзмітрый Рабцэвіч, адбылася 28 сакавіка, калі ён выйшаў у цэнтр горада з плакатам, на якім было напісана “Не - хуткім расстрэлам” і “Жыццё альбо смерць”.

Актывіст хацеў прыцягнуць увагу грамадскасці да праблемы хуткага выканання смяротных прысудаў у Беларусі пасля ўступлення іх у законную сілу. Дзмітрый Рабцэвіч прастаяў з плакатам літаральна 10 хвілін, пасля чаго да яго падыйшлі супрацоўнікі міліцыі і адвезлі ў РАУС Ленінскага раёна Брэста. Там у затрыманага ўзялі тлумачэнні, канфіскавалі плакат і адпусцілі без складання пратаколу.

Аднак на гэтым тыдні Рабцэвічу патэлефанавалі з міліцыі і выклікалі ў пастарунак, дзе склалі пратакол паводле артыкула 23.34 КаАП за парушэнне парадку правядзення масавых мерапрыемстваў. Як заўважае праваабаронца Раман Кісляк, пратакол складзены такім чынам, што незразумела, якое менавіта правапарушэнне здзейсніў Дзмітрый Рабцэвіч. Сам Кісляк лічыць, што актывіст не парушыў закон, а скарыстаўся правам на свабоднае выказванне свайго меркавання, што прадугледжана Канстытуцыяй і міжнародным Пактам аб грамадзянскіх і палітычных правах.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international