Брэст: пададзена заяўка на правядзенне пікета супраць ўвядзення пошліны на аўтамабілі

2014 2014-01-02T08:53:43+0300 2014-01-02T08:53:43+0300 be http://spring96.org/files/images/sources/agp-sciagi.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

З гэтай ініцыятывай да мясцовых уладаў звярнуліся брэсцкія сябры Аб'яднанай грамадзянскай партыі. Сам пікет плануецца правесці 12 студзеня на плошчы Леніна каля галоўнай елкі горада.

Як паведаміла актывіст АГП Дыяна Касцюковіч, якая падала адпаведную заяву ў гарвыканкам, мэтай пікета з'яўляецца выказванне нязгоды ў сувязі з увядзеннем дзяржаўнай пошліны на выдачу дазволу для допуска аўтамабіля да ўдзелу ў дарожным руху. “У наш партыйны офіс пачалі паступаць званкі ад людзей з пытаннем, якім чынам можна пакінуць свой ​​подпіс пад зваротам, што падрыхтаваны АГП з нагоды ўвядзення дзяржпошліны, - распавяла Касцюковіч. – Акрамя таго, шмат каментароў па ініцыятыве збору подпісаў мы ўбачылі ў Інтэрнэце. Аднак не ўсе ведаюць, дзе знаходзіцца наш офіс і не ва ўсіх ёсць час зайсці да нас менавіта з гэтай мэтай. Таму мы лічым, што людзі павінны мець магчымасць выказаць сваю пазіцыю, у тым ліку ў грамадскім месцы, дзяля чаго і падалі заяўку на правядзенне масавага мерапрыемства”.
У заяўцы ўзгадваецца, што ў пікеце мяркуюць браць удзел каля 20 чалавек, таксама падчас правядзення мерапрыемства плануецца выкарыстанне транспарантаў і лозунгаў па тэме ўвядзення пошліны.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international