У Брэсце застаюцца праблемы з беларускамоўным выхаваннем у дзіцячых садках

2012 2012-10-25T23:03:57+0300 1970-01-01T03:00:00+0300 be http://spring96.org/files/images/sources/mova_a.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

З гэтым суткнуліся бацькі-журналісты Алесь Ляўчук і Мілана Харытонава, якія даўно шукаюць садок для сваёй дачкі Камілы, каб там было хоць нейкае навучанне па-беларуску.

У аддзеле адукацыі Маскоўскага раёна Брэста спачатку насустрач ім пайсці не захацелі ці не змаглі, таму ў садок Каміла так і не трапіла. Аднак бацькі вырашылі, што нейкую падрыхтоўку перад школай яна прайсці ўсё ж павінна і звярнуліся да кіраўніка раённай адміністрацыі Аляксандра Рагачука з просьбай пасадзейнічаць стварэнню беларускамоўнай групы. Раней менавіта Рагачук паабяцаў іншым бацькам стварыць беларускамоўны клас у пачатковай школе №34, і гэта атрымалася.

Што да садкоў, дзе б дзяцей выхоўвалі па-беларуску, дык з гэтым застаюцца праблемы: бацькам Камілы паведамілі, што разглядаць пытанне пра адкрыццё беларускамоўнай групы будуць пры наяўнасці 5 заяў ад іншых бацькоў. Аднак калі адпаведная аб’ява з’явілася на розных сайтах, Алеся і Мілану абвінавацілі ў самапіяры, у тым, што яны здзекуюцца са сваёй дачкі, забіраюць месцы ў рускамоўных дзяцей, і нават - у “нетрадыцыйнай арыентацыі”. Пры гэтым бацькі Камілы заўваюжаюць, што ніхта з абвінаваўцаў нават не здолеў узгадаць, што права вучыць дзяцей на роднай мове гарантуецца Канстытуцыяй РБ.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international