Навіны на тэму: смяротнае пакаранне
26.07.2010 Сьмяротнае пакараньне: лёд крануўся ў Кітаі
Кітай мае намер скараціць спіс злачынстваў, за якія прадугледжана смяротнае пакаранне, і адмовіцца ад яго ўжывання ў дачыненні да асобаў, узрост якіх перавышае 70 гадоў, паведаміла газета China Daily.
20.07.2010 Сьмяротныя прысуды: што скажа Вярхоўны суд 30 ліпеня?
Прызначаная дата разгляду з Вярхоўным Судзе Беларусі касацыйных скаргаў асуджаных да вышэйшай меры пакараньня жыхароў Гародні Алега Грышкаўцова і Андрэя Бурдыкі. 30 ліпеня будзе выкарыстаны апошні шанец захаваць жыцьцё гарадзенскім забойцам. Праўда ў асуджаных яшчэ застаецца ілюзорная магчымасьць памілаваньня прэзідэнтам краіны, але, як сведчыць практыка, на гэта спадзявацца не даводзіцца, бо за ўвесь час незалежнасьці Беларусі прэзідэнт памілаваў толькі аднаго чалавека.
15.07.2010 Далучыцца да петыцыі за адмену сьмяротнага пакараньня можа кожны
У 2009 годзе стартавала кампанія "Праваабаронцы супраць сьмяротнага пакараньня", мэтай якой ёсьць спыненьне сьмяротнай кары ў краіне і далучэньне Беларусі да агульнаеўрапейскіх каштоўнасьцяў. Прадстаўнікі праваабарончай супольнасьці краіны падрыхтавалі адпаведную петыцыю. Гэты зварот за подпісамі вядомых беларускіх дзеячоў і праваабаронцаў 10 сьнежня 2009 году, у Міжнародны дзень правоў чалавека, быў перададзены ў Адміністрацыю Прэзідэнта Рэспублікі Беларусь і Парламент. Зараз збор подпісаў працягваецца і кожны грамадзянін Беларусі можа далучыцца да петыцыі. Ініцыятары кампаніі спадзяюцца, што ўлады Беларусі пяройдуць да рашучых дзеяньняў, накіраваных на спыненьне выкананьня сьмяротных прысудаў.
25.06.2010 Сьмерць сьмяротнаму пакараньню!
Французскае агенцтва TBWA вырабіла для Amnesty International прыгожы ролік аб адмене сьмяротнага пакараньня.
17.06.2010 У Драгічынскім раёне па-ранейшаму забіваюць пенсіянераў
13 лістапада 2009 года ў Драгічынскім раёне было знойдзенае цела 85-гадовай жыхаркі вёскі Гутава. Паводле эксьпертызы, жанчына была задушаная. Па падазрэньні ў забойстве затрыманыя дзьве 24-гадовыя жанчыны, адна з якіх зьяўляецца грамадзянкай Расіі.
15.06.2010 “Скажы: НЕ – смяротнаму пакаранню!” – на YouTube
Відэаролік “Скажы: НЕ – смяротнаму пакаранню!” прэзентаваны на YouTube ў межах кампаніі “Праваабаронцы супраць смяротнага пакарання ў Беларусі”.
14.06.2010 Смяротнае пакаранне. У пошуках афіцыйнай статыстыкі. Працяг
Нарэшце праваабаронцы атрымалі адказ з Міністэрства юстыцыі Рэспублікі Беларусь на запыт аб колькасці вынесеных і выкананых смяротных прысудаў з 1990 па 2009 год. Пра выкананыя смяротныя прысуды Міністэрства юстыцыі інфармацыю не прадаставіла.
11.06.2010 Што стрымлівае ўлады Беларусі ад прыняцьця станоўчага рашэньня па праблеме адмены сьмяротнага пакараньня?
Кіраўніцтва Беларусі дэманстратыўна не жадае рабіць крокі насустрач Еўропе ў пытаньні адмены сьмяротнага пакараньня ці ўвядзеньня мараторыя на яго выкананьне. Пры гэтым, вышэйшыя чыноўнікі неаднаразова заяўлялі, што час нібыта сасьпеў, аднак замест кроку наперад робіцца два назад. Чаму? Каб падкрэсліць сваю непахіснасьць, цьвердасьць у прыманьні ўласных рашэньняў, а не з улікам аказваемага ціску.
07.06.2010 ЧАМУ СМЯРОТНЫ ПРЫСУД?
Асуджаныя да смяротнага пакарання жыхары Гродна Алег Грышкаўцоў і Андрэй Бурдыка чакаюць разгляду ў Вярхоўным Судзе іх скаргі на прысуд Гродненскага абласнога суда. Рабіць якія-небудзь прагнозы на гэты конт не хочацца. Але ёсць магчымасць паглядзець на гэту справу з улікам розных меркаванняў і абставінаў.
03.06.2010 Маці Андрэя Жука, расстралянага ў сакавіку, толькі зараз атрымала пасведчанне пра смерць сына
У ЗАГСе Салігорска 1 чэрвеня Святлане Жук, нарэшце, выдалі пасведчанне пра смерць сына. У дакуменце ўказаны дзень смерці – 18 сакавіка 2010 года, у графе “прычына смерці” – прочырк. Акт зафіксавання смерці датаваны 21-ым сакавіка.
Каб атрымаць пацверджанне пра тое, што сына больш няма ў жывых, жанчыне давялося прыкласці нямала намаганняў.
26.05.2010 Смяротнае пакаранне. У пошуках афіцыйнай статыстыкі
Інфармацыйная кампанія БелаПАН учора агучыла колькасць выкананых у Беларусі з 1985 году смяротных прысудаў – 299. У сваіх падліках журналісты кіраваліся інфармацыяй, здабытай уласнымі намаганнямі, а таксама звесткамі Amnesty International. Гэта сусветная праваабарончая арганізацыя ў сваім дакладзе “Спынім смяротныя пакаранні ў Еўропе: На шляху да адмены смяротнай кары ў Беларусі”, выдадзеным у сакавіку 2009 году, адзначае, што “з моманту атрымання Беларуссю незалежнасці ад Савецкага Саюза ў 1991 годзе магло быць пакарана каля 400 чалавек”. Аднак афіцыйная статыстыка па гэтым пытанні да гэтага часу не паведамляецца. І спробы беларускіх праваабаронцаў атрымаць такія звесткі ад уладаў пакуль вынікаў не даюць.
18.05.2010 Генеральны сакратар Савета Еўропы асудзіў сьмяротныя прысуды ў Беларусі
Прымяненьне смяротнага пакараньня па-ранейшаму з'яўляецца перашкодай у адносінах Беларусі з Саветам Еўропы.
18.05.2010 Праваабарончыя арганізацыі асуджаюць вынясенне двух смяротных прысудаў у Беларусі
Amnesty International, Беларускі Хельсінскі Камітэт і Праваабарончы цэнтр “Вясна” Лондан/Мінск, 17.05.2010
17.05.2010 Чарговы сьмяротны прысуд у Беларусі
14 траўня ў Горадні вынесены сьмяротны прысуд двум жыхарам гораду за патройнае забойства. Справа разглядалася ў абласным судзе, вёў працэс судзьдзя Пятро Бандык. Суд палічыў цалкам даказанай віну абодвух злачынцаў: першы зь іх Алег Грышкаўцоў, яму 29 гадоў, другому, Андрэю Бурдыку, 28.
12.05.2010 Праваабарончы цэнтр “Вясна” віншуе Тамару Чыкунову з узнагародай!
Праваабаронца Тамара Чыкунова, старшыня узбекскай арганізацыі “Маці супраць смяротнага пакарання і катаванняў”, узнагароджана Ордэнам Ганаровага Легіёну (Légion d’honneur) за актыўнае змаганне супраць смяротнага пакарання.