Навіны на тэму: смяротнае пакаранне
26.09.2013 У Бярозе запланаваны пікет супраць смяротнага пакарання
Праваабаронцы Сяржук Русецкі і Тамара Шчапёткіна, а таксама грамадская актывістка Таццяна Тарасевіч вырашылі паўтарыць спробу атрымаць дазвол на пікет на 10 кастрычніка. Мэта масавага мерапрыемства: выказванне пратэсту супраць ужывання смяротнага пакарання ў Рэспубліцы Беларусі.
25.09.2013 Беларускія музыкі: Пакаранне для злачынцаў павінна быць, але не смерцю
Беларускія рокеры рыхтуюцца да прэзентацыі новага сумеснага праекта "Апошні Золак". Яго ўдзельнікі разважаюць для TUT.BY пра праблемы грамадства, злачынствы і пакаранні, каштоўнасці жыцця і прыадчыняюць заслону таямніцы над зместам праекта.
25.09.2013 Гродненскія праваабаронцы падалі заяўку на пікет супраць смяротнага пакарання
Заява пададзена на 10 кастрычніка бягучага году – у Сусветны дзень змагання супраць смяротнага пакарання праваабаронцы хочуць інфармаваць насельніцтва пра сітуацыю са смяротным пакараннем у свеце і ў Беларусі і патрабаваць адмены смяротнага пакарання ў Беларусі.
24.09.2013 Святары абмяркоўваюць тэму смяротнага пакарання
Смяротнае пакаранне абмяркоўваюць у Менску каталіцкія, праваслаўныя ды пратэстанцкія святары. Нават святарам ёсць пра што дыскутаваць, адзначыла ў нашым эфіры прадстаўніца Беларускага Хельсінскага камітэту Юлія Хлашчанкова.
17.09.2013 Вярхоўны суд пакінуў у сіле смяротны прысуд Паўлу Селюну
Сёння адбыўся разгляд касацыйнай скаргі абвінавачваемага на рашэнне Гродзенскага абласнога суда аб прымяненні выключнай меры пакарання. Вярхоўны суд вынес вызначэнне пакінуць у сіле прысуд першай інстанцыі.
16.09.2013 Маці асуджанага да растрэлу: «Хачу выратаваць сына ад смерці»
17 верасня Вярхоўны суд вынесе канчатковы вердыкт па справе 23-гадовага Паўла Сялюна. Ён прызнаны вінаватым у забойстве жонкі і яе каханка.
11.09.2013 Беларускія музыкі супраць смяротнага пакарання
На пачатку кастрычніка вядомыя беларускія музыкі прадставяць новы супольны праект “Апошні золак”, у якім возьмуць удзел Лявон Вольскі, Ганна Хітрык, Зміцер Вайцюшкевіч ды іншыя выканаўцы.
11.09.2013 Віктар Адзіночанка: “Рэлігійнае стаўленне да смяротнага пакарання - гэта справа не пачуццяў, гэта справа веры”
Пра смяротнае пакаранне з пункту гледжання хрысціянскай этыкі распавядае Віктар Адзіночанка - рэлігіязнаўца, дацэнт кафедры філасофіі Гомельскага дзяржаўнага ўніверсітэта. Віктар Адзіночанка не толькі выкладае рэлігіязнаўства, але і з’яўляецца сябрам Беларускага Хельсінкскага камітэту - эксперт па свабодзе сумлення.
11.09.2013 Абвінавачаны ў жорсткім забойстве дзяўчыны ў Рэчыцы змешчаны пад варту
Галоўным следчым упраўленнем Следчага камітэта Беларусі працягваецца расследаванне абставінаў забойства дзяўчыны ў Рэчыцы 29 жніўня.
05.09.2013 З'явілася другая частка фільму з цыклу "Шэсць аргументаў супраць смяротнага пакарання"
Пра спецыфіку дзейнасці і псіхалагічны стан людзей, якія выконваюць смяротныя прысуды, распавядае Алег Алкаеў. Таксама ў фільме гучыць меркаванне праваабаронцы Валянціна Стэфановіча і псіхіятра Валдаса Банайціса.
04.09.2013 Мінскі гурт Crowblack прысвяціў песню нявінна асуджаным на смяротнае пакаранне
Мінскі гурт Crowblack прадставіў на Ultra -Music песню «Burning Cage of Justice» . Песня распавядае пра нявінна асуджаных на смяротнае пакаранне людзях.
03.09.2013 Маці асуджанага на смяротнае пакаранне звярнулася да кіраўніка Беларускай праваслаўнай царквы
Тамара Сілюн заклікае Філарэта звярнуцца да прэзідэнта Лукашэнкі з просьбай аб памілаванні і адмене смяротнага пакарання ў дачыненні да яе сына.
02.09.2013 Стала вядома дата касацыі па смяротнаму прысуду жыхару Гомеля
Разгляд касацыйнай скаргі асуджанага да вышэйшай меры пакарання Аляксандра Грунова і яго адваката Сяргея Краснова прызначаны на раніцу 18 кастрычніка бягучага года ў судовай калегіі па крымінальных справах Вярхоўнага суда.
26.08.2013 Суд у чарговы раз адмовіўся разглядаць скаргу родных расстралянага Уладзіслава Кавалёва
Суддзя Аксана Будоўская пагадзілася з высновамі суда Кастрычніцкага раёна Мінска аб тым, што разгляд дадзенага звароту не падведамасны агульным судам Беларусі. Па словах адваката Кавалёвай і Казяр Сяргея Галубка, у дадзеным выпадку парушана канстытуцыйнае права кожнага на судовую абарону.
26.08.2013 Флэш-моб супраць смяротнага пакарання ў Цурыху
Amnesty International (“Міжнародная амністыя”) зладзіла 24 жніўня ў Цурыху флэш-моб супраць смяротнага пакарання ў Беларусі.