Палітвязня Дзмітрыя Фурманава, сваякі якога галадаюць каля СІЗА, перавялі ў Жодзіна

2020 2020-07-29T10:55:39+0300 2020-07-29T11:09:06+0300 be https://spring96.org/files/images/sources/furmanau-zmicer.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Зміцер Фурманаў. Фота з сацыяльных сетак.

Зміцер Фурманаў. Фота з сацыяльных сетак.

На падставе рашэння следчага палітычнага зняволенага Дзмітрыя Фурманава перавялі з мінскага СІЗА-1 у следчы ізалятар у Жодзіна. Пра гэта бацькам Фурманава паведамілі ў СІЗА-1. 

У нядзелю 26 ліпеня сваякі палітвязня – маці Вольга Фурманава і яго дзяўчына Вольга Каракінаабвясцілі бестэрміновую галадоўку каля будынку СІЗА№1 з патрабаваннем вызваліць Дзмітрыя. Акрамя гэтага, яны патрабуюць вызвалення людзей, якія незаконна ўтрымліваюцца ў Цэнтры ізаляцыі правапарушальнікаў, і спынення крымінальных справаў па артыкуле 342 Крымінальнага кодэкса. Цягам трох сутак з пачатку галадоўкі ні міліцыя, ні прадстаўнікі ўлады ніяк не рэагавалі на галадоўнікаў.

Пасля навіны аб пераводзе Дзмітрыя ў Жодзіна, яго бацькі вырашылі туды паехаць, каб даведацца пра падрабязнасці.

Сваякі Дзмітрыя Фурманава абвясцілі галадоўку

Сваякі палітвязня Дзмітрыя Фурманава – маці Вольга Фурманава і яго дзяўчына Вольга Каракіна – абвясцілі бестэрміновую галадоўку каля будынку СІЗА№1, што на вуліцы Валадарскага ў Мінску.

Нагадаем, што Дзмітрый Фурманаў быў затрыманы 29 траўня падчас пікету па зборы подпісаў за вылучэнне ў кандыдаты Святланы Ціханоўскай. Калі адбыўся інцыдэнт з міліцыянтам, пасля якога пачаліся затрыманні людзей з натоўпа, Дзмітрый сядзеў за сталом і працягваў збіраць подпісы. Затым да яго прыбеглі амапаўцы, схапілі пад рукі і пацягнулі праз сквер у машыну на вачах у яго бацькоў, якія таксама былі на пікеце.

Дзмітрыю Фурманаву прад’явілі абвінавачванне па ч. 1 арт. 342 КК РБ (Арганізацыя ці актыўны ўдзел у групавых дзеяннях, якія груба парушаюць грамадскі парадак). Праваабарончая супольнасць Беларусі прызнала яго палітычным зняволеным, а міжнародная праваабарончая арганізацыя Amnesty International – вязнем сумлення.

Апошнія навіны

Партнёрства

Сяброўства