З адной пракуратуры ў іншую: Павел Камінскі зноў атрымаў адмову

2019 2019-03-15T18:06:56+0300 2019-03-15T18:06:56+0300 be https://spring96.org/files/images/sources/kaminski_1.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Павел Камінскі

Павел Камінскі

Намеснік пракурора г. Брэста А. Верабей вынес адмову ва ўзбуджэнні крымінальнай справы ў дачыненні да супрацоўнікаў органаў унутраных спраў па скарзе Паўла Камінскага, збітага ў аддзяленні міліцыі 3 ліпеня 2016 года.

Заяўнік мяркуе, што праверка па яго скарзе ўжо ў сёмы (!) раз была праведзена павярхоўна і неаб'ектыўна.

Пасля разгляду скаргі і вывучэння матэрыяла па заяве Паўла Камінскага намеснік пракурора мабыць памыліўся адносна падстаў больш ранняй адмовы ва ўзбуджэнні крымінальнай справы. А. Верабей піша ў сваім адказе, што раней адмова была вынесеная ў сувязі з заканчэнне тэрміну даўнасці для прыцягнення да крымінальнай адказнасці, аднак, у Паўла Камінскага ёсць копія адказу, дзе пазначана, што ў задавальненні скаргі адмоўлена ў сувязі з тым, што ў дзеяннях супрацоўнікаў АУС адсутнічае склад злачынства. Акрамя таго, такая адмова не адпавядае абставінам справы і Крымінальнаму кодэксу, паколькі для злачынства, прадугледжанага ч. 3 арт. 426 ( «Перавышэнне ўлады або службовых паўнамоцтваў») прадугледжаны тэрмін даўнасці прыцягнення да крымінальнай адказнасці ў дзесяць гадоў.

Цяпер Павел Камінскі накіраваў скаргі непасрэдна пракурору г. Брэста, якога просіць ўсё ж пастанову следчага адмяніць і прыняць рашэнне ў адпаведнасці з арт. 174 КПК Рэспублікі Беларусь аб узбуджэнні крымінальнай справы ў дачыненні да асобаў, якія прычынілі яму цялесныя пашкоджанні ў аддзяленні міліцыі.

Гэтак жа ён звярнуўся і ў Генеральную пракуратуру, якую просіць запатрабаваць матэрыялы па яго заяве з Брэста, «дзе іх ніколі не расследуюць належным чынам», правесці аб'ектыўную праверку і прыняць абгрунтаванае рашэнне.

Нагадаем, гісторыя жыхара Брэста Паўла Камінскага стала вядомая дзякуючы блогеру Сяргею Пятрухіну, які распавёў, што 3 ліпеня 2016 гады мужчына жорстка і беспадстаўна быў збіты ўчастковымі Ленінскага РУУС Брэста, а Следчы камітэт увесь гэты час працягвае бяздзейнічаць.

Чытайце гісторыю Паўла Камінскага і Сяргея Пятрухіна ў мультымедыйным праекце #БезПраваНаРасправу


Калі вы ці вашы блізкія патрапілі ў сітуацыі, у якіх супрацоўнікі органаў МУС дзейнічалі з перавышэннем сваіх паўнамоцтваў, паведамляйце пра такія выпадкі ў Праваабарончы цэнтр "Вясна" па тэлефоне: +375 29 8413981 або па пошце: viasna@spring96.org

Інфармацыя ў сацыяльных сетках па хэш-тэгу: #БезПраваНаРасправу

Апошнія навіны

Партнёрства

Сяброўства