Беспакаранасць лікуе: Расследаванне спраў Захаранкі, Ганчара і Красоўскага прыпынена

2019 2019-02-01T16:31:13+0300 2019-02-20T12:58:18+0300 be https://spring96.org/files/images/sources/zniklyja_kalazh.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Паведамленні аб прыпыненні папярэдняга расследавання аб знікненні сваіх блізкіх атрымалі сваякі зніклых палітыкаў Ірына Красоўская, Зінаіда Ганчар і давераная асоба сям'і Захаранкі Алег Волчак, паведамляе "Беларускі дакументацыйнага цэнтр".

«Такім чынам дзяржава спыняе пошукі зніклых больш за 19 гадоў таму апанентаў улады, ўсталёўваць вінаватых у гэтых знікненнях і выключае ўсе магчымасці іх пакарання. Менавіта таму застаецца прыпыненым з 2006 года справа Дзмітрыя Завадскага», - каментуе рашэнне Следчага Камітэта Раіса Міхайлоўская, кіраўніца БДЦ.

"Відавочна, што пайсці на такі крок падштурхнулі ўладу і дзеянні праваабаронцаў, сталая прысутнасць у праваабарончым парадку гэтай тэмы. Нагадаю, што ў кастрычніку мінулага года Рэспубліка Беларусь атрымала рэкамендацыі Камітэта па правах чалавека ААН крыміналізаваць ў нацыянальным заканадаўстве гвалтоўныя знікненні. Вельмі бледна выглядалі прадстаўнікі дзяржавы, адказваючы, што адбываецца з расследаваннем такіх спраў. Можна сказаць, змяшалі «боб з гарохам», выпутываясь з сітуацыі - няма ў заканадаўстве такога паняцця, няма і знікненняў. Безумоўна, дзеянні следчага Вараўкі будуць абскарджаны сваякамі і даверанымі асобамі. Дзяржаве не атрымаецца так проста закрыць гэтую тэму".

З дакумэнтаў, апублікаваных БДЦ вынікае, што справа прыпынена ў «сувязі з неўстанаўленнем асобы, якая падлягае прыцягненню ў якасці абвінавачанага». Пры гэтым адзначаецца, што «будуць прымацца меры па ўстанаўленні вінаватай асобы». Калі такая асоба будзе ўстаноўлена, то справу зноў адновяць.


    Навіны ад Spring96.org у Telegram. Падпішыся на наш канал https://t.me/viasna96

Апошнія навіны

Партнёрства

Сяброўства