Справы лідэраў прафсаюза РЭП перадалі ў суд
Ігар Комлік і Генадзь Фядыніч
У панядзелак, 18 чэрвень, лідэру прафсаюза РЭП Генадзь Фядынічу паведамілі, што справа прафсаюзаў перададзена ў суд Савецкага раёну Менску. Пра гэта паведаміў намеснік пракурора Мінска Касцюкевіч, піша praca-by.info.
Абвінавачаныя па справе Генадзь Фядыніч і Ігар Комлік скончылі знаёміцца з матэрыяламі справы толькі 8 чэрвеня, і ўжо 18 чэрвеня пракуратура перадала крымінальную справу ў суд.
- Сёння адвакаты паведамілі мне, што крымінальная справа ў адносінах да мяне і Комліка накіравана ў суд Савецкага раёну Менску - па месцы юрыдычнага адрасу прафсаюза. Нам тлумачаць, што ўсе хадайніцтвы і скаргі па справе павінны накіроўвацца непасрэдна ў суд. А мне павінна быць накіравана копія пастановы следчага аб перадачы крымінальнай справы следчаму. Як правіла, пракурор знаёміцца са справай 10-15 дзён. Мы знаёміліся з матэрыяламі справаў месяц - скончылі толькі ўвечары 8 чэрвеня, у апошні дзень. Як пракурор мог азнаёміцца з 11 тамамі справамі кожны па 600 старонак за 3-5 дзён? Напэўна, унікум. Але ёсць і іншае тлумачэнне: я не хачу разбірацца, хай разбіраецца суд. Паўстае пытанне пра законнасць органаў правасуддзя: альбо вы ёсць, альбо вы імітуеце сябе.
- Куды спяшаюцца следчыя органы?
- Спешка азначае, што стаіць задача як мага хутчэй адправіць справу ў суд, і пажадана вынесці рашэнне падчас масавых адпачынкаў, у тым ліку і адпачынкаў дыпламатычнага корпуса, акрэдытаванага ў Мінску: гэта справа палітычная.
- Ці можна ўжо зараз прагназаваць судовую перспектыву крымінальнай справы?
- Вельмі складана. Так распарадзіўся лёс, што РЭП сёння - адна з лічаных арганізацый, якая бескампрамісна дапамагае людзям, канструктыўна крытыкуе ўладу, што відавочна не ўсім падабаецца. Любая ўлада - гэтая альбо новая - павінна абапірацца на канструктыўную крытыку; толькі ў такім выпадку ўлада будзе моцнай, у адваротным выпадку - загіне, як і ўсе астатнія.
- Як улады выкарыстоўваюць абвінаваўчы прысуд па Справе прафсаюзаў?
- Я ўпэўнены: якім бы ні быў прысуд, РЭП будзе працаваць. Прафсаюз перастане працаваць толькі ў тым выпадку, калі згубіць падтрымку людзей. Сёння кожны дзень да нас ідзе народ са сваімі праблемамі. Любая ўлада ў прынцыпе павінна ганарыцца структурай, якая дапамагае людзям адстойваць законнасць у працоўных адносінах, грамадзянскіх і адміністрацыйных. Але наша ўлада прычэсвае усіх пад адзін капыл.
- Інкрымінаваных нам артыкул КК прадугледжвае шырокія санкцыі: абмежаваць свабоду да 5 гадоў, турэмны тэрмін да 7 гадоў, канфіскацыя маёмасці. Улада можа выкарыстоўваць прысуд па Справе прафсаюзаў для зачысткі перад прэзідэнцкімі выбарамі 2020 года, адназначна. Але калі такія думкі раяцца ў галовах чыноўнікаў, то яны пралічыліся яшчэ пазаўчора, а не ўчора. Таму што мы з тых, хто лічыць Беларусь незалежнай дзяржавай перш за ўсё.
