viasna on patreon

Арыштаваны заўзятар абвесціў галадоўку ў знак пратэсту супраць прысуду і ў падтрымку палітвязняў

2017 2017-10-06T08:31:48+0300 2017-10-06T08:33:24+0300 be https://spring96.org/files/images/sources/barysau-fanat-2017-1-.png Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Затрыманне Аляксандра Вянгерскага на стадыёне 28 верасня 2017 года. Фота з сацыяльных сетак.

Затрыманне Аляксандра Вянгерскага на стадыёне 28 верасня 2017 года. Фота з сацыяльных сетак.

Футбольны заўзятар Аляксандр Вянгерскі, які адбывае арышт у ізалятары часовага ўтрымання ў Барысаве, абвесціў галадоўку ў знак падтрымкі палітзняволеных, якія зараз знаходзяцца за кратамі. Праваабаронцам пра гэта паведаміў грамадскі актывіст з Вялейкі Аляксей Сюдак, якому Вянгерскі даслаў ліст.

“Я, Вянгерскі Аляксандр, знаходзячыся в ІЧУ Барысаўскага раёна 5.10. 2017 абвяшчаю галадоўку ў связі с тым, что не згодны з артыкулам 23.4 КаАП, паколькі супрацоўнікі праваахоўных органаў давалі розныя паказанні, а аднаго з іх я ўбачыў у залі суда ўпершыню. З майго боку непадпарадкавання і знявагі супрацоўнікаў міліцыі не было”, - паведамляе заўзятар у лісце.

Галадоўку Аляксандр Вянгерскі праводзіць у падтрымку ўсіх палітзняволеных, якія зараз знаходзяцца за кратамі.

 Ліст Аляксандра Вянгерскана пра абвяшчэнне галадоўкі.

Нагадаем, 29 верасня суд Барысаўскага раёна асудзіў Аляксандра Вянгерскага на 10 сутак адміністрацыйнага арышту за здзяйсненне адміністрацыйных правапарушэнняў: дробнага хуліганства  і непадпарадкаванне законнаму патрабаваньню службовай асобы.

У Барысаве 28 верасня падчас матчу паміж футбольнымі камандамі БАТЭ і «Арсенал» на поле выбег заўзятар з бел-чырвона-белым сцягам і з гербам “Пагоня”. Яго затрымала ахова стадыёна і вывела з поля. Пазней стала вядома, што затрыманы - жыхар Вялейкі Аляксандр Вянгерскі. 

На судзе стала вядома, што пасля затрымання яго ставілі на калені супрацоўнікі амапу і білі па нырках, а таксама выклікалі да яго хуткую дапамогу.

Апошнія навіны

Партнёрства

Сяброўства