Міліцыя расшуквае актывістаў у Гародні Дапоўнена
Ежы Грыгенча і Сяргей Верамеенка.
У Гародні міліцыя спешна шукае актывістаў і ўручае позвы на суд 14-га на 10 гадзін.
Позвы ўжо атрымалі Анатоль Мышкевіч, Сяргей Верамеенка і яго жонка Вольга, актывіст з Ваўкавыску Віталь Гуляк. Міліцыянты тэлефанавалі Ежы Грыгенчу, каб паведаміць, што прыедуць уручыць "запрашэнне" у суд.
Хутчэй за ўсё такая спешка звязаная з запланаванай чарговай акцыяй супраць дэкрэта "аб тунеядцах" у Гародні і іншых гарадах краіны на 15 сакавіка.
Нагадаем, 10 сакавіка ўлады Гродна запрасілі на сустрэчу прадстаўнікоў грамадзянскай супольнасці і праваабаронцаў, каб абмеркаваць рэфармаванне дэкрэта №3. Падчас размовы старшыня гарвыканкама прапанаваў актывістам адмяніць "Марш недармаедаў" і заклікаць людзей не выходзіць на вуліцы горада. Аднак, прадстаўнікі грамадзянскай супольнасці адмовіліся гэта рабіць.
