Усіх траіх анархістаў перазатрымалі ў Брэсце

2017 2017-03-10T19:42:02+0300 2017-03-11T01:19:17+0300 be https://spring96.org/files/images/sources/zatrymannie.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Як стала вядома, адзін з асуджаных на 5 сутак анархістаў за удзел у "Маршы недармаедаў" у Брэсце не выйшаў сёння з ІЧУ.

Пра тое, што Андрэй Дзянюшкін своечасова не вярнуўся дадому, паведаміла ягоная маці. Ён быў перазатрыманы і суд над ім верагодна адбудзецца ў панядзелак.

Бліжэйшым часам павінны выйсці Руслан Халікаў і Дзмітрый Ляўчук. Аднак па выніку хлопцы таксама не пакінулі сцены ІЧУ і застануцца пад вартай да панядзелка. У чым іх вінавацяць невядома. Магчыма гэтыя адвольныя затрыманні звязаныя з "Маршам недармаедаў", што плануецца 11 сакавіка ў Пінску.

Нагадаем, 5 сакавіка ў Брэсце адбыўся “Марш недармаедаў”, дзе ініцыятыву па правядзенні мітынгу і шэсця ўзялі на сябе анархісты. Разам з мітынгоўцамі яны заблакавалі на некалькі хвілін цэнтральную вуліцу горада - праспект Машэрава. Пасля мітынгу трое анархістаў былі затрыманыя і арыштаваныя судом.

Акрамя таго, 9 сакавіка пры сустрэчы аднага з арыштантаў былі затрыманыя тры чалавекі. Дваіх апыталі і адпусцілі, а трэццяга - Андрэя Марача асудзілі да 5 сутак.

Апошнія навіны

Партнёрства

Сяброўства