Бабруйск: заўтра суд над звольненымі з ТДіА "свабодаўцамі"
18 снежня абудзецца суд над чатырма звольненымі з завода ТДіА сябрамі Свабоднага прафсаюза беларускага. Аляксандра Варанкіна, Мікалая Жыбуля, Аляксандра Грамыка і Алега Шаўчэнку будуць судзіць за "удзел у несанкцыянаваным масавым мерапрыемстве". Нагодай стала галадоўка, якую ў пачатку лістапада "свабодаўцы" праводзілі у будынку гарвыканкама і каля яго. 11 лістапада на іх былі складзеныя пратаколы ў адзяленні міліцыі.
У той жа дзень галадоўнікі даведаліся, што з імі выказаў жаданне сустрэцца старшыня гарвыканкаму. Андрэй Каваленка размаўляў са "свабодаўцамі" ў прысутнасці карэспандэнтаў праўладных СМІ і параіў ім уладкавацца на працу на іншыя прадпрыемствы гораду. Калі галадоўнікі зразумелі, што гэтая сустрэча не мае сэнсу, дэманстратыўна сышлі. Ад таго часу іх праблема застаецца нявырашанай.
Пасяджэнне пачнецца ў 10.00, у будынку суда на Тухачэўскага-5.
