Дзень з актывістам. Турэмныя рэцэпты ад Паўла Вінаградава (відэа)

Сайт “Нашай нівы” апублікаваў відэа, у якім распавядаецца пра дзень з жыцця апазіцыйнага актывіста Паўла Вінаградава, які 12 снежня вымушана з’ехаў з Мінску. Сярод штодзённых справаў Павел завітаў і да праваабаронцаў “Вясны”. 

Карэспандэнты НН завіталі да сям’і Вінаградавых, паразмаўлялі пра побытавыя і глабальныя рэчы і правялі Паўла ў Беразіно. Як жыве сям’я грамадскіх актывістаў, як ператварыць турэмную ежу ў смачныя стравы, што складаюць у «трывожную валізку» і ці з’язджаць за мяжу, калі на цябе ціснуць – пра ўсё гэта ў відэа.