Бяроза: Сябра Партыі БНФ застаўся за бартом выбарчай камісіі

Суд Бярозаўскага раёна адмовіў грамадзянам у задавальненні скаргі на адмову ва ўключэнні ў склад раённай выбарчай камісіі сябра Партыі БНФ Ігара Меншыкава.

На судзе прысутнічаў прадстаўнік райвыканкама -- юрыст Яўген Кашталян, які сам абраны ў выбарчую камісію, і пракурор Бярозаўскага раёна Даніла Дзярабін.

Па словах Яўгена Кашталяна, камісія сфармавана законна: у ёй прысутнічаюць і прадстаўнікі партый, і грамадскіх арганізацый, і ад працоўных калектываў, і шляхам збору подпісаў у патрэбнай прапорцыі.

Але ні суддзя, ні пракурор не звярнулі ўвагі на той факт, што ў выніку гэтых “правільных” прапорцый у камісіі не засталося ніводнага прадстаўніка ад апазіцыі.