Міжнародная назіральная місія па Беларусі прызначыць Прадстаўніка па абароне праваабаронцаў
Міжнародная назіральная місія Камітэта Міжнароднага Кантролю за сітуацыяй з правамі чалавека ў Беларусі
Сёння Міжнародная назіральная місія Камітэта міжнароднага кантролю за сітуацыяй з правамі чалавека ў Беларусі абвясціла аб адкрыцці конкурсу на пасаду Прадстаўніка па становішчы праваабаронцаў.
Становішча праваабаронцаў у Беларусі выклікае пастаянную занепакоенасць міжнародных арганізацый, што неаднаразова адзначаў Камітэт міжнароднага кантролю ў сваіх дакументах.
«Праблемы са становішчам праваабаронцаў у Беларусі носяць сістэмны характар. І справа не толькі ў выпадках прамога пераследу, самы вядомы з якіх - гэта турэмнае зняволенне Алеся Бяляцкага, але і ў агульных умовах працы праваабарончых арганізацый, якія застаюцца вельмі неспрыяльнымі», - падкрэслівае кіраўнік Міжнароднай назіральнай місіі Андрэй Юраў. «Мы вырашылі заснаваць асобную пасаду і прызначыць канкрэтнага чалавека, які будзе адказваць за каардынацыю намаганняў і выпрацоўку і прасоўванне рэкамендацый па гэтай тэме».
Адмысловы прадстаўнік у рамках Міжнароднай назіральнай місіі будзе каардынаваць працу маніторынгавай групы па гэтай тэме, адказваць за фарміраванне рэкамендацый да ўладаў Рэспублікі Беларусь і міжнародным міжурадавым арганізацыям і іншым акторам.
Патрабаванні, якім павінны адпавядаць кандыдаты: веданне рускай, ангельскай і, пажадана беларускай моў; веданне сітуацыі ў Беларусі і ў рэгіёне ў цэлым, досвед працы ў Рэспубліцы Беларусь або за яе межамі па беларускай тэматыцы; досвед працы ў галіне абароны і прасоўвання правоў чалавека ў цэлым і абароны праваабаронцаў у прыватнасці.
Для патэнцыйнага Прадстаўніка важная гэтак жа прававая прынцыповасць і палітычная бесстароннасць - мандат Прадстаўніка не можа выкарыстоўвацца для выказвання і прасоўвання інтарэсаў якіх бы там ні было палітычных структур.
Намінаваць сваіх кандыдатаў змогуць міжнародныя няўрадавыя арганізацыі ці іх аддзялення і філіялы, якія працуюць у сферы абароны правоў чалавека; рэгіянальныя няўрадавыя арганізацыі, якія працуюць у сферы абароны правоў чалавека; міждзяржаўныя і нацыянальныя структуры, у мэты якіх уваходзіць прасоўванне правоў чалавека (у т.ч . парады, кааліцыі, платформы і да т.п.); але магчымыя і індывідуальныя намінацыі.
Заяўкі прымаюцца да 27 ліпеня 2013 г. Мяркуецца, што канкрэтны чалавек будзе прызначаны на пасаду 4 жніўня 2013 г. у Дзень міжнароднай салідарнасці з грамадзянскай супольнасцю Беларусі.
З поўным тэкстам аб'явы можна пазнаёміцца на сайце Камітэта - http://hrwatch- by.org
