Брэст: улады спрабуюць прымусова высяліць сям’ю да рашэння Вярхоўнага суда
фота racyja.eu
Уладзімір Гадун і ўся яго сям’я, уключаючы трохгадовую ўнучку, атрымалі рашэнне суда Ленінскага раёна Брэста, адпаведна з якім яны мусяць да 11 лютага вызваліць кватэру, дзе жывуць.
Загад на адсяленне з’явіўся, нягледзячы на тое, што Уладзімір Гадун абскарджвае у Вярхоўным судзе ранейшае рашэнне суда, якім стан дому на вуліцы Герояў Абароны Брэсцкай Крэпасці каля гарадскога парку, быў прызнаны аварыйным. Сам гаспадар кватэры ў цэнтры гораду ўпэўнены, што яго жытло цалкам прыдатнае для пражывання, і ёсць падставы меркаваць, што зямля, на якой знаходзіцца дом, проста спатрэбілася чыноўнікам для нейкіх сваіх патрэб.
Цікава, што сваім рашэннем пра адсяленне суд не толькі загадвае мясцоваму ЖРЭУ прадаставіць транспарт і рабочых для перавозу маёмасці, але абвязвае, каб для “падтрымання парадку” прысутнічалі супрацоўнікі міліцыі. Уладзімір Гадун іранізуе з такога стаўлення да сваёй сям’і: “Наша ўлада так клапоціцца пра людзей, іх правы, што выдзяляе участковага інспектара для падтрымання парадку пры высяленні і нават трохгадоваў унучцы даслалі паведамленне пра высяленне”.
