Баранавічы: пратакол за дабрачынны абед
Баранавіцкі прадпрымальнік Мікалай Чарнавус
Участковы інспектар маёр міліцыі Дз. Мізгер 25 кастрычніка наведаў працоўнае месца прадпрымальніка Мікалая Чарнавуса на мясцовым каапрынку (вуліца Чарнышэўскага, 11). Апытаўшы прадаўцоў і прадпрымальнікаў, ён склаў адміністрацыйны пратакол аб парушэнні арт. 23.34 ч.II КаАП (арганізацыя і правядзенне несанкцыянаванага мерапрыемства).
Раней мы паведамлялі, што баранавіцкі прадпрымальнік і грамадскі актывіст Мікалай Чарнавус 6 кастрычніка арганізаваў на мясцовым кааператыўным рынку каля свайго гандлёвага месца дабрачынны абед. Адначасова ён сабраў каля трохсот подпісаў за бясплатны праезд школьнікаў на кружкі і факультатывы ў грамадскім транспарце, якія накіраваў у Савет Міністраў.
Мікалай Чарнавус планаваў сабраць гэтыя подпісы на пікеце 7 кастрычніка, але ўлады не далі дазволу на пікет.
