Гарадзенскаму ТБШ не даюць памяшкання для дыктоўкі
Гарадзенскаму Таварыству Беларускай Школы прышлі афіцыйныя адмовы ў прадастаўленні памяшкання для правядзення беларускамоўнай дыктоўкі.
Як патлумачыла старшыня арганізацыі Тацяна Канопкіна, Гарадзенскае ТБШ накіравала афіцыйныя лісты ў мясцовы гарвыканкам, Міністэрства адукацыі Рэспублікі Беларусь і Гарадзенскі дзяржаўны ўніверсітэт імя Янкі Купалы з просьбай прадставіць памяшканне ўніверсітэта для правядзення 25 сакавіка бягучага году беларускамоўнай дыктоўкі.
Днямі з дзяржаўных установаў прыйшлі адмоўныя афіцыйныя адказы. Міністэрства адукацыі і Гарадзенскі гарвыканкам абгрунтоўваюць свае адмовы тым, што, маўляў, заяўнікі не прадставілі адпаведнай дамоўленасці з універсітэтам. Пісьмовы адказ з адмоваю з універсітэта будзе атрыманы сёння.
