У Чавускім раёне завяршылася акцыя “Не!” – брыдкаслоўю”
У Чавускім раёне Магілёўскай вобласці завяршылась акцыя “Не!” – брыдкаслоўю”. Вынікі акцыі, якая працягвалася месяц, былі падведзены на пасяджэнні “круглага стала”, паведаміў інтэрнэт-сайт чавускай раённай газеты “Іскра”.
На пасяджэнні “круглага стала” чыноўнікі ад ідэалогіі адсправаздачыліся аб дасягненнях у справе барацьбы з брыдкаслоўем у Чавускім раёне. Намаснік начальніка РАУС Ю. Лабанаў распавёў пра тое, што па выніках акцыі за брыдкаслоўе ў грамадскіх месцах у адносінах 9 чалавек складзены пратаколы па артыкулу 17.1 КаАП Рэспублікі Беларусь (дробнае хуліганства). Таксама міліцэйскі чыноўнік адзначыў, што да асабістага складу міліцыі штодзённа даводзіцца Загад № 1 міністра ўнутраных спраў РБ “Аб ветлівых і ўважлівых адносінах супрацоўнікаў унутраных спраў і ваеннаслужачых унутраных войскаў к грамадзянам”, праводзіцца Дзень закону і гонару.
Аднак крыху пасаваў імідж доблесных супрацоўнікаў міліцыі, магчыма, сам таго не жадаючы, удзельнік “круглага стала” айцец Мікалай, які ў якасці станоўчага прыклада барацьбы з брыдкаслоўем прывёў расповед свайго прыхажаніна, курсанта міліцэйскай Акадэміі: “Говорят, один в поле не воин. Но это не так. Приведу пример. Один молодой прихожанин, который в то время учился в милицейской Академии, как-то пожаловался, что в учебном заведении курсанты много сквернословят, и ему как верующему трудно быть в такой обстановке. Я ему посоветовал: действуй. А через какое-то время парень рассказал, что побеседовал на эту тему с начальником Академии, тот его поддержал, и обстановка намного улучшилась”.
Высвятляецца, што ў нашай краіне не толькі дэмакратычныя актывісты напярэдадні грамадскіх акцый, а і тое, што “в милицейской Академии курсанты много сквернословят”.
