Цэнтр стратэгічнай цяжбы - ў дзеянні (відэа)

Гомельскі Цэнтр стратэгічнай цяжбы выдаў дапаможнік па пытаннях праўных калізій адміністрацыйнага заканадаўства, якія прыводзяць да практыкі парушэння права на свабоду і асабістую недатыкальнасць.

Сярод аўтараў - праваабаронцы з Гомеля Васіль Палякоў і Леанід Судаленка, які дапамог скласці належным чынам і накіраваць самую вялікую ў Беларусі колькасць індывідуальных скаргаў у Камітэт ААН па правах чалавека. Аднак кіраўніцтва краіны не пагаджаецца з тым, што Камітэт ААН па правах чалавека зарэгістраваў 56 скаргаў беларусаў.

Аўтары дапаможніка заклікаюць больш актыўна бараніць свае правы і звяртацца ў міжнародныя інстанцыі, калі на нацыянальным узроўні гэта вырашыць не ўдаецца.