У пракуратуру выкліканы журналіст “Радыё Рацыя” Віктар Парфёненка

Выклікамі гарадзенскіх журналістаў Алеся Дзянісава і Міколы Дзятчэні (які атрымаў афіцыйнае папярэджанне) гарадзенская абласная пракуратура не абмежавалася. Сёння, 18-га лютага, позву за подпісам усё таго ж пракурора Павядайкі атрымаў журналіст “Беларускага Радыё Рацыя” Віктар Парфёненка. Ад яго патрабуюць з’явіцца ў пракуратуру 21-га лютага ў 14.30.

Гарадзенскія праваабаронцы ўжо адзначалі, што да журналістаў у гарадзенскай абласной пракуратуры апошнім часам узнікла павышаная цікавасць. Застаецца толькі чакаць, хто будзе наступны. Бо, па меркаванні праваабаронцаў і самых журналістаў, у гэтым пераследзе ўжо праглядаецца сістэма.