viasna on patreon

Барыса Хамайду затрымалі, каб папярэдзіць пра адміністрацыйную адказнасць

2011 2011-11-11T14:50:32+0300 1970-01-01T03:00:00+0300 be https://spring96.org/files/images/sources/hamajda-1.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Віцебскі апазіцыянер меркаваў, што міліцыянты маюць прэтэнзіі да таго, што ён распаўсюджвае незалежную прэсу ў цэнтры горада. Але аказалася, што яго хочуць папярэдзіць, каб не ўдзельнічаў у заўтрашнім Народным сходзе.

Спадара Хамайду затрымалі на звычайным месцы, дзе ён штодня распаўсюджвае незалежныя выданні – калі дома №28 па вуліцы Леніна. Супрацоўнікі міліцыі заявілі, што з ім хоча пагаварыць кіраўніцтва Чыгуначнага РАУС.

Але ў пастарунку размаўляць давялося з прадстаўнікамі аддзелу міліцыі грамадскай бяспекі. Апазіцыянеру прапанавалі падпісаць пісьмовае папярэджанне, што ён не будзе праводзіць мітынгаў і не выйдзе ў горад з бел-чырвона-белым сцягам.

Барыс Хамайда падпісваць нейкія паперы катэгарычна адмовіўся, хаця не з’яўляецца ні арганізатарам Народнага сходу, ні нават прыхільнікам ідэі іх праводзіць: “Я сказаў, што выйду са сцягам, калі складзецца адпаведная сітуацыя. І буду праводзіць мітынгі. І таму ніякія папярэджанні падпісваць не збіраюся, хаця і ўдзельнічаць у гэтых цяперашніх Народных сходах абсалютна не маю ніякіх намераў!”

 

Апошнія навіны

Партнёрства

Сяброўства