За беспарадкі на Манежнай асуджаны салігорац
Жыхар Салігорску Ігар Беразюк атрымаў найбольшы тэрмін - 5,5 год пазбаўлення волі - па справе аб масавых беспарадках на Манежнай плошчы ў Маскве. Як вядома, І.Беразюк з’яўляецца сябрам незарэгістраванай расійскай партыі “Другая Расія”.
Шэраг расейскіх грамадскіх актывістаў лічаць дадзеную справу палітычнай, а нацболаў з “Другой Расіі” называюць “прызначанымі” вінаватымі. Аднак у расійскім праваабарончым асяродку няма адназначнай пазіцыі па дадзенай справе.
Салігорскія праваабаронцы сцвярджаюць, што мясцовя нацболы, у тым ліку асуджаны ў Маскве Ігар Беразюк, ніколі па дапамогу да іх не звярталіся. Тым не менш, вядома аб адбыцці салігорскім маладзёнам пакарання у 1,5 гады зняволення ў магілёўскай выпраўленчай калоніі ВК-15. Сам Беразюк называў сваю справу сфабрыкаванай і сцвярджаў, што ўвесь тэрмін за кратамі яму “не давала спакою” беларускае КДБ.
