Брэсцкія настаўнікі будуць сачыць за сваімі вучнямі на цэнтральнай плошчы

Пра гэта паведаміла настаўніца адной са школаў Брэста.

"З Райана прыйшоў ліст, у якім ад кожнай школы патрабуюць прысутнасць настаўнікаў на плошчы Леніна з 19.00 па 21.00. Мэта - высвятленне асобаў прысутных там вучняў. Таксама ў лісце раяць апрануцца так, каб было зразумела, што мы адрозніваемся ад удзельнікаў акцыі. Але як менавіта апрануцца -- не сказана. Тлумачаць такое патрабаване так – “каб не забралі разам з усімі”, -- паведаміла жанчына "Еўрарадыё".

Нагадаем, што на сёння, 13 ліпеня, запаланаваная чарговая "акцыя маўчання". У Брэсце яна пройдзе на плошчы Леніна. У мінулую сераду ўдзел у акцыі ўзяло некалькі соцень чалавек. Тады абыйшлося без затрыманняў.