Працэс па крымінальнай справе Андрэя Пачобута перанесены на 5 ліпеня
Андрэй Пачобут, публіцыст і блогер, уласны карэспандэнт выдання Gazeta Wyborcza
28 чэрвеня ў Ленінскім судзе Гародні прадоўжыўся разгляд крымінальнай справы публіцыста і грамадскага актывіста Андрэя Пачобута.
Чарговае паседжанне, на якім выступаў бок абароны, доўжылася крыху больш гадзіны, пасля чаго адвакаты Аляксандар Бірылаў і Уладзімір Кісялевіч выйшлі з будынку суду. Яны паведамілі прысутным журналістам і грамадскасці (а ўсяго ля ганку судовай установы зберлася каля 120 чалавек), што працэс перанесены на 10-ю гадзіну 5 ліпеня. Адвакаты сказалі, што яны пры абароне рабілі акцэнт на тое, што парушэння крымінальнага кодэксу ў дзеяннях Андрэя Пачобута не было, а таксама спасылаліся на адпаведныя нормы міжнароднага права. Выступ абароны скончыўся.
Зараз у працэсе мусіць быць апошняе слова Андрэя Пачобута, ад якога ён напэўна не адмовіцца. Незалежныя назіральнікі прагназуюць, што 5-га ліпеня прысуд яшчэ не будзе зроблены і працэс зноў будзе перанесены. Нагадаем, што пракурор запрасіў для журналіста 3 гады турэмнага зняволення.
