Асуджанага анархіста Аліневіча збівалі ў СІЗА КДБ
https://spring96.org/be/news/43675
2011
2011-05-30T12:59:27+0300
2011-05-30T12:59:27+0300
1970-01-01T03:00:00+0300
be
Гэта адбылося ў перыяд, калі "амерыканкай" фактычна кіравалі невядомыя людзі ў масках.
Пра выпадак паведамляе сайт АГП. Падчас прагулкі Ігар
Аліневіч, выкарыстоўваючы снежкі, напісаў на сцяне "Віват, анархія".
Трое людзей у масках запатрабавалі, каб падследны зняў швэдар і выцер ім
напісанае. Аліневіч заявіў, што сатрэ надпіс, але не вопраткай. Тады людзі ў
масках пачалі збіваць вязня рукамі і дубінкамі.
Потым анархіста паўторна вывелі з камеры і ў асобным памяшканні збілі яшчэ раз.
Пасля "выхаваўчых" гутарак" на твары і целе засталіся сляды.
Аліневіч напісаў скаргу Генеральнаму пракурору, але яна так і не пакінула межы
СІЗА.
Нагадаем, што Аліневіча асудзілі па "справе анархістаў" на 8 гадоў калоніі ўзмоцненага рэжыму.
