viasna on patreon

Тры гадзіны на міліцэйскую «гутарку»

2011 2011-03-25T19:10:00+0200 1970-01-01T03:00:00+0300 be https://spring96.org/files/images/sources/supracounik_milicyji.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Тры гадзіны правёў у Жодзінскім ГАУС сябра АГП Юрый Сілкін, якога выклікалі для «гутаркі» і абяцалі растлумачыць, чаму забаронены пікет у падтрымку палітвязняў 25 сакавіка.

Юрый Сілкін з'явіўся у Жодзінскі ГАУС а 14 гадзіне. На гэты час была прызначана аўдыенцыя. «Спачатку я сядзеў у кабінеце ў нейкага маёра, - распавядае Юрый. - Сядзеў доўга, амаль дзве гадзіны. Ужо прасіў, каб мяне адпусцілі, паколькі гутаркі як такой не атрымлівалася - агульных тэм няма (смяецца). Але маёр мяне не адпускаў, казаў, што атрымаў указанне «гутарыць» са мной, пакуль не з'явіцца начальнік аддзела МАП падпалкоўнік Сівец. Толькі каля чацвертай гадзіны дня Сівец нарэшце знайшоў час для сустрэчы. Гутарка з ім круцілася вакол аднаго пытання: ці паеду я сёння ў Мінск на святкаванне Дня Волі. Я не раз паўтарыў, што пасля міліцыі пайду дадому ... Усё ж да пяці вечара мяне пратрымалі. Відаць, тактыку такую ​​выбралі, каб пацягнуць час і не даць магчымасці з'ехаць у сталіцу. Наогул, з гэтай тактыкай я сутыкаюся не ў першы раз.

Увечары 19 снежня мяне міліцыянты забралі з выбарчага ўчастка адразу пасля падліку галасоў і пратрымалі ў ГАУС да паўночы, каб я не змог паехаць на Плошчу. Зараз вось зноў тая ж гісторыя ... Дарэчы, калі я сыходзіў сёння з ГАУС, мне сказалі, што праз некаторы час ператэлефануюць дадому, каб пераканацца, што я нікуды не з'язджаў ".

Дарэчы, у міліцыі Юрыю так і не далі ніякіх тлумачэнняў наконт забароны пікету. Ні станоўчага, ні адмоўнага адказу з Жодзінскага гарвыканкама наконт правядзення пікету ў падтрымку палітвязняў, заяўленага на 25 сакавіка, Сілкін так і не атрымаў.

"Праваабарончая хроніка"

Апошнія навіны

Партнёрства

Сяброўства