З Беларусі дэпартаваная ўкраінская дэлегацыя

Кіраўнік украінскай грамадзянскай партыі “Пара” Уладыслаў Каськіў, яго намеснік Сяргей Еўтушэнка і прэс-сакратар партыі Марыянна Пачтар, а таксама шэсць журналістаў украінскіх тэлеканалаў «1+1», «5 канал» і «Тоніс» дэпартаваны 2 сакавіка з аэрапорта “Менск-2”, куды яны прыляцелі з Кіева.

Украінская дэлегацыя прыехала ў Менск дзеля азнаямлення з сітуацыяй напярэдадні выбараў. Украінцаў затрымалі супрацоўнікі Упраўлення КГБ па барацьбе з тэрарызмам, заявіўшы, што іх знаходжанне ў Беларусі “непажадана”.

Сяргей Еўтушэнка ў інтэрв’ю прэс-цэнтру Хартыі’97 назваў здарэнне “беспределом” і заявіў, што партыя “Пара” зробіць спецыяльную заяву.