Орша: Прадстаўнікі апазіцыі вылучаныя ў тэрытарыяльныя камісіі

На Аршаншчыне скончыўся працэс вылучэння прадстаўнікоў партый, арганізацый, працоўных калектываў і грамадзян у тэрытарыяльныя камісіі.

Агулам у Аршанскую гарадскую і Аршанскую раённую камісіі вылучана 6 прадстаўнікоў апазіцыі.

Так, у гарадскую камісію вылучаныя: Аляксандр Крывіцкі – ад гарадскога аддзялення Аб’яднанай грамадзянскай партыі; Васіль Кабачэўскі – ад гарадскога камітэта партыі “Справядлівы свет”; Аляксандр Шутаў, сябра БНФ, – ад Аршанскага маладзёжнага грамадскага аб’яднання “ЗВЯЗ”, Яўген Анішчанка, сябра аргкамітэта БХД, – ад грамадзян шляхам збора подпісаў; Сяргей Трафімаў, сябра РПГА “Беларускі Хельсінкскі Камітэт”,– ад грамадзян шляхам збору подпісаў. У Аршанскую раённую камісію раённы камітэт партыі “Справядлівы свет” вылучыў Міная Карніенку.

“Праваабаронцы за свабодныя выбары”