Ігар Чапіга зьмешчаны на Акрэсьціна
Сёньня ў Ігара Чапігі на кватэры адбыўся ператрус, у выніку якога канфіскаваны кампутар і іншыя рэчы, а сам актывіст "Правага альянсу" зьмешчаны за краты. Сьледчыя дзеяньні праводзілся ў межах узбуджанай крымінальнай справы па факце падпалу Цэнтру ізаляцыі правапарушальнікаў на Акрэсьціна. У выніку Ігара Чапігу туды і даставілі, пакуль да субботы.
Кіраўнік Інфармацыйна-кансалтынгавай установы "Правы альянс" Юрась Карэтнікаў называе гэта палітычна матываваным перасьледам. Ён адмаўляе ўсялякую датычнасць арганізацыі і яе сяброў да падпалу ЦІП і заяўляе рашучы пратэст супраць падобных дзеяньняў улады. Да таго ж сам Карэтнікаў выкліканы ў падаткавую інсьпекцыю, што таксама зьвязвае з ўзмацненьнем ціску напярэдадні пачатку прэзідэнцкай кампаніі, у якой арганізацыя зьбіраецца прымаць удзел.
Ігар Чапіга балатаваўся на мясцовых выбарах кандыдатам у дэпутаты ў Менскі гарсавет.
