Гарадок: Падлік галасоў праходзіў павольна
У Гарадку Віцебскай вобласці больш за тры гадзіны лічылі бюлетэні і падводзілі вынікі галасавання сябры камісіі на Гагарынскім ўчастку № 5 па выбарах у Віцебскі абласны Савет дэпутатаў. Гэта з-за таго, што на дадзеным участку падлік галасоў кантралявалі старшыня раённага аддзялення партыі БНФ, кандыдат у дэпутаты Леанід Аўтухоў і назіральнік, актывіст руху "За Свабоду" Леанід Гаравы.
Палітычныя актывісты прынцыпова запатрабавалі ад сябраў участковай выбарчай камісіі няўхільна выконваць выбарчае заканадаўства. Акрамя таго, на ўсе парушэнні імі былі складзеныя пратаколы, якія яны неадкладна адправілі для рэагавання ў Гарадоцкую раённую пракуратуру. І такіх пратаколаў да канца назірання было складзена больш за дзесяць.
"Праваабаронцы за свабодныя выбары"
