Мазыр: Рэгістрацыя кандыдатаў прызначана на апошні дзень – 25 сакавіка

Згодна Календарнаму плану, рэгістрацыя кандыдатаў у дэпутаты тэрытарыяльнымі і акруговымі выбарчымі камісіямі павінна адбывацца з 16 па 25 сакавіка ўключна. Менавіта  на апошні тэрмін -- 25 сакавіка і прызначана рэгістрацыя кандыдатаў у Мазырскі райсавет Мазырскай раённай выбарчай камісіяй, паведаміла назіральнікам  сакратар камісіі Вераніка Байкова. Адносна інфармацыі пра час паседжання яна параіла сачыць за абвесткамі ў файе райвыканкама (дзе месціцца камісія) бліжэй да гэтай даты.

З 26 сакавіка павінна  была б пачацца агітацыя кандыдатаў у дэпутаты і іх камандаў, але  два дні яшчэ адводзіцца на атрыманне  кандыдатамі пасведчанняў аб рэгістрацыі. Некаторы час будуць рэгістраваць яшчэ давераных асобаў кандыдатаў у дэпутаты – так натуральным чынам скарачаецца тэрмін, вызначаны для правядзення агітацыі.

“Праваабаронцы за свабодныя выбары”