Аляксандр Лукашэнка прызнаны ў Кракаве персонай нон грата
https://spring96.org/be/news/31906
2010
2010-03-04T10:32:28+0200
2010-03-04T10:32:28+0200
1970-01-01T03:00:00+0300
be
https://spring96.org/files/images/sources/krakau.jpg
Гарадская рада Кракава 3 сакавіка прыняла рэзалюцыю, у якой прызнала Аляксандра Лукашэнку персонай нон грата ў старажытнай сталіцы Польшчы. За рэзалюцыю прагаласавалі не ўсе чальцы рады, але пераважная большасць.
Як інфармуе РАР, чальцы рады таксама звярнуліся да Еўрапарламента з просьбай прыняць усе магчымыя эфектыўныя меры для абароны правоў палякаў, якіх пераследуюць у Беларусі.
У рэзалюцыі гаворыцца, што Лукашэнка будзе ў Кракаве персонай нон грата, пакуль не спыніцца парушэнне дэмакратычных і еўрапейскіх стандартаў у Беларусі.
Еўрарадыё нагадвае, што 9 сакавіка павінна пачаць працу беларуска-польская камісія, якая мусіць вырашыць канфлікт паміж беларускімі ўладамі і неафіцыйным Саюзам палякаў у Беларусі.
